Bu gün Nəsimi Rayon Məhkəməsi AXCP sədrinin müavini Fuad Qəhrəmanlının həbs müddətini daha iki ay uzadıb. O, Nardaran qəsəbə sakinlərini hakimiyyətə tabe olmamağa çağırmaq barədə uydurma ittihamla həbs olunub.
Vəkil Fəxrəddin Mehdiyev Turan-a bildirib ki, müdafiə tərəfi cinayət tərkibinin olmadığına görə işin dayandırılması barədə vəsatət qaldırıb. Eyni zamanda məhkəmə həbsin daha iki ay uzadılması barədə istintaq orqanının təqdimatını təmin edib. Vəkilin sözlərinə görə, apellyasiya veriləcək.
Xatırladaq ki, F.Qəhrəmanlının həbsinə Facebook-dakı yazıları səbəb olub. Belə ki, o, Nardaran sakinlərinə müraciət edərək onları öz hüquqlarını müdafiə etməyə çağırıb. Hakimiyyət müxalifətçini hakimiyyətin zorla ələ keçirilməsinə açıq çağırışlar» ittihamı ilə həbs etmək üçün sosial şəbəkədə yayılan bu yazıdan istifadə edib. -02D-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz