Mehman Əliyev
Bakı/27.04.21/Turan: "Bu gün Tibbi Ərazi Bölmələrini İdarəetmə Birliyinin hüquq müdafiəçisi Oqtay Gülalıyevin müalicəsinə yardım edən tibb bacılarının maaş almadıqlarına görə öz funksiyalarını yerinə yetirməməsilə bağlı hüquq müdafiəçisinin oğlunun bəyanatına dair təkzibini təəccüblə oxudum", - Turan İnformasiya Agentliyinin direktoru Mehman Əliyev deyib.
Müntəzəm olaraq Oqtay Gülalıyevə baş çəkən Mehman Əliyev son ayda tibb bacılarından bu barədə tez-tez eşidir.
"Tibb bacıları deyirlər ki, fevral ayına qədər Gülalıyevə yardım etməyə görə haqq ödənilib, sonra bu ödənişlər kəsilib. Bununla əlaqədar onlar mənə və ailəyə bildiriblər ki, öz işlərini yerinə yetirməyəcəklər”, - o deyib.
Ailənin bu məsələni yoluna qoymaq cəhdləri baş tutmayıb.
Elmi-Tədqiqat Tibbi Bərpa İnstitutunun rəhbəri Nizami Nəbiyevin fikirləri də Mehman Əliyevi təəccübləndirib. Belə ki, Nizami Nəbiyev bildirib ki, həkimlər Gülalıyevin sağalması üçün əllərindən gələni edirlər.
“Bununla əlaqədar mən cənab Nəbiyevi Gülalıyev 8 noyabr 2020-ci il tarixində Türkiyədən Bakıya qayıtdığı andan onu müayinə edən həkimlərin adlarını sadalamağa, həkimlərin başçəkmə tarixlərini, tibbi müayinə, tövsiyə və sair ictimaiyyətə təqdim etməyə çağırıram”, - o deyib.
Əliyev bildirib ki, ailənin təkidilə Tibbi Ərazi Bölmələrini İdarəetmə Birliyinin göstərişinə əsasən ona ancaq bir həkim baş çəkib, o da aspiratorun (bəlğəmin çıxarılması üçün boğaza taxılmış boru) çıxarılmasından ötrü qərar qəbul etmək üçün gəlib.
“Ola bilsin ki, Tibbi Ərazi Bölmələrini İdarəetmə Birliyinin və cənab Nəbiyevin məlumatını Tibbi Ərazi Bölmələrini İdarəetmə Birliyinin açıqlamasını yayan unikal.org saytı düzgün təfsir etməyib. Əgər Tibbi Ərazi Bölmələrini İdarəetmə Birliyinin mətbuat üçün məlumatları yayan öz saytı, mətbuat xidməti olsaydı o zaman mənim qaldırdığım məsələlər də olmazdı”, - Əliyev deyib və ümidvar olduğunu bildirib ki, Tibbi Ərazi Bölmələrini İdarəetmə Birliyi bu problemləri aradan qaldıracaq və ictimaiyyəti çaşdırmayacaq.—0—
Cəmiyyət
-
Cinayət tərkibinin əlamətləri olmayan məişət zorakılığı barədə şikayətə baxılması qaydası müəyyənləşdirilib. Prezident İlham Əliyev bununla bağlı "Məişət zorakılığının qarşısının alınması haqqında" qanuna dəyişikliyi təsdiqləyib.
-
Bu gün, yanvarın 27-də Avropa Şurası Parlament Assambleyasının (AŞPA) qız sessiyası başlayır. Ötən həftə (yanvarın 21-də) bir qrup beynəlxalq insan haqları qurumları AŞPA-nı Azərbaycan nümayəndə heyətinin mandatını bərpa etməməyə, yaxud bunu "aydın" şərtlərlə etməyə çağırıb. "Azərbaycanın vətəndaş cəmiyyəti, müstəqil media və siyasi narazıların artan repressiyası Avropa Şurasının dəyərlərini pozmaqdadır. Azərbaycan beynəlxalq mexanizmlərlə israrla əməkdaşlıq etmir, sistematik insan haqları pozuntularını aradan qaldırmır", - AŞPA-ya məktubda deyilir.
-
Yanvarın 31-dək sənədlərini Səhiyyə Nazirliyinə təqdim etməyən plastik cərrahların şəhadətnamələri ləğv ediləcək. Bu barədə yanvarın 27-də Səhiyyə Nazirliyi məlumat yayıb.
-
Yanvarın 28-də Bakıda və Abşeron yarımadasında hava dəyişkən buludlu olacaq, gündüz yarımadanın bəzi yerlərində az çiskinli olacaq. Gecə və səhər bəzi yerlərdə arabir duman olacaq. Mülayim cənub-şərq küləyi əsəcək. Gecə 3-6, gündüz 7-11 dərəcə isti olacaq.
Rəy yaz