Azərbaycan hökuməti 2003-cü ildən mədən sənayesindən $73 mlrd əldə edib, deyə şənbə günü Dünya Bankının Azərbaycan üzrə meneceri Larisa Leşşenko Mədən Sənayesində Şəffaflıq Təşəbbüsü Koalisiyasının (EITI) XVIII iclasında bildirib.
Onun sözlərinə görə, Azərbaycan EITI üzrə ilk hesabatını hazırladığı 2005-ci ildən 12 hesabat verib, bu məlumatlar orda verilib.
"Əsas məsələ bu vəsaitlərin necə bölünməsi və onların əhaliyə necə çatmasıdır. Bunun üçün EITI üzrə hesabat təkmilləşdirilməlidir", - deyə Leşşenko bildirib.
Onun sözlərinə görə, 2017-ci ilin yanvarından hər bir ölkə yol xəritəsi hazırlamalı, onun köməyi ilə informasiya yayılmalıdır.
"Bu, məsləhət deyil, bütün ölkələrə tələbdir. Bu vəsaitlərin xərclənməsində şəffaflıq və məsuliyyət olmalıdır", - deyə Leşşenko bildirib.
* ARDNF-nin məlumatına görə, Azərbaycan 2001-ci ildən 1 aprel 2016-cı ilə kimi “Azəri-Çıraq-Günəşli” layihəsi çərçivəsində $118 mlrd 146 mln, 2007-ci ildən “Şahdəniz” layihəsi çərçivəsində $2 mlrd 483 mln əldə edib. –0--
İqtisadiyyat
-
Azərbaycanda fermerlər arpa, buğda, düyü və qarğıdalı məhsullarını 10 hektardan çox ərazidə yetişdirdikləri halda kənd təsərrüfatı subsidiyalarına uyğun olmaq üçün sığortalamalıdırlar. Bu barədə hökumət rəsmisi yenilənmiş subsidiya dərəcələrinə dair keçirilən son brifinqdə məlumat verib.
-
Pakistanın təxminən 400 milyard kubmetr həcmində qaz ehtiyatları və illik 30 milyard kubmetr qaz hasilatı bu sıx məskunlaşmış ölkədə "mavi yanacaq" çatışmazlığını həll etmək üçün kifayət deyil. Buna görə də, hökumət ölkənin qaz tələbatını ödəməyi strateji prioritet kimi müəyyən edib.
-
Azərbaycanın qonaqpərvərlik sektoru 2024-cü ildə əhəmiyyətli artım nümayiş etdirib. Rəsmi məlumatlara görə, otellərdə və oxşar müəssisələrdə gecələmələrin sayı illik müqayisədə 25,1% artaraq 4,28 milyona çatıb. Bu güclü bərpa həm daxili, həm də beynəlxalq turistlər üçün sektorun artan cəlbediciliyini vurğulayır. Bu artıma infrastrukturun yaxşılaşdırılması və turizm təkliflərinin müxtəlifləşdirilməsi dəstək olub.
-
Azərbaycanın Aqrar Subsidiya Şurası intensiv bağların yaradılması üçün yeni tələblər müəyyən edib, bunlara iqlim stansiyalarının quraşdırılması da daxildir. Bu barədə Kənd Təsərrüfatı Nazirliyinin mətbuat xidmətinin rəhbəri Vüqar Hüseynov məlumat verib.
Rəy yaz