İmran Əliyev “Abzas Media” işi üzrə məsuliyyətə cəlb edilib
Məhkəmə İmran Əliyevi 2 ay müddətinə həbs edib (yenilənib)
Bakının Xətai Rayon Məhkəməsi Əliyev barəsində 2 ay 1 gün müddətinə həbs qətimkan tədbiri seçib.
Məhkəmə iclasında Əliyev fiziki təzyiqdən şikayətlənib. Əliyevin yaxınları Turan-a bildiriblər ki, o elektrik cərəyanı ilə işgəncələrə məruz qalıb.
Yaxınlarının sözlərinə görə, onu müəyyən etiraflara imza atmasını və vəkildən imtina etməsini tələb edərək döyüblər. Döyülmə hava limanından polis bölməsinə gedərkən avtomobildə başlayıb və sonda da davam edib.
Yaxınları məhkəmədə onun sifətindəki döyülmə və işgəncə izlərini görüblər.
Müdafiə tərəfi həbs qərarından apellyasiya məhkəməsinə şikayət edir.
* * *
2024-04-19 17:05
İmran Əliyev “Abzas Media” işi üzrə məsuliyyətə cəlb edilib
Meclis.info saytının rəhbəri İmran Əliyev “Abzas Media” işi üzrə cinayət məsuliyyətinə cəlb edilib.
Turan-a məlum olub ki, ona qarşı Azərbaycan Cinayət Məcəlləsinin 206.3.2-ci maddəsilə (qabaqcadan əlbir olan bir qrup şəxs tərəfindən qaçaqmalçılıq) ittiham irəli sürülüb.
Yaxın saatlarda Bakı Xətai Məhkəməsi onun barəsində həbs qətimkan tədbiri seçəcək.
İmran Əliyev dünən axşam Bakı hava limanında saxlanılıb. O güman edib ki, onu “Abzas Media” işi üzrə cəlb etmək istəyirlər.
*Ötən il noyabrın 20-də “Abzas Media”nın direktoru Ülvi Həsənli saxlanılıb. Nəşrin ofisində axtarış zamanı polis 40 min avro "tapıb".
Həmin gün “Abzas Media” direktorunun müavini Məhəmməd Kekalov, noyabrın 21-də isə baş redaktor Sevinc Vaqifqızı saxlanılıb. Bir müddət sonra jurnalist Nərgiz Absalamova, dekabrın 13-də araşdırmaçı jurnalist Hafiz Babalı, yanvarın 13-də Elnarə Qasımova həbs ediliblər.
Onlara qarşı Cinayət Məcəlləsinin 206.3.2-ci maddəsilə (qabaqcadan əlbir olan bir qrup şəxs tərəfindən qaçaqmalçılıq) ittiham irəli sürülüb. Onları 5 ildən 8 ilədək həbs təhlükəsi gözləyir. Onlar xarici donorlardan qanunsuz qrant almaqda ittiham olunurlar.
Beynəlxalq jurnalist təşkilatları Azərbaycan hakimiyyətini saxlanılan jurnalistləri dərhal azad etməyə və müstəqil KİV-lərə təzyiqlərə son qoymağa çağırıblar.
Siyasət
-
Azərbaycan Ombudsmanı yanında Milli Preventiv Qrupun üzvləri 1 saylı Bakı İstintaq Təcridxanasında jurnalistlərə və fəallara baş çəkiblər, xəbəri insan hüquqları müvəkkilinin aparatının mətbuat xidməti yayıb.
-
İsrail Xarici İşlər Nazirliyinin Qüdsdə siyasət məsələləri üzrə direktoru Aliza Bin Nun Azərbaycan XİN-də və Prezident Administrasiyasında danışıqlar aparıb.
-
Hüquq Müdafiəçilərinin Müdafiəsi üzrə Beynəlxalq Observatoriya Azərbaycanda Anar Məmmədlini və digər siyasi məhbusları azad etməyə çağırıb.
-
Mayın 8-də Bakının Xətai Rayon Məhkəməsi seçkilər sahəsində məşhur hüquq müdafiəçisi Anar Məmmədlinin ev dustaqlığına keçirilməsi haqqında vəsatəti təmin etməyib. Bu barədə Turan-a onun vəkili Elmar Süleymanov bildirib. Vəkil qeyd edib ki, müdafiə tərəfi A.Məmmədlinin həbsi üçün heç bir əsas yoxdur.
Rəy yaz