Prezident Administrasiyası şöbələrinin yeni rəhbərləri və prezidentin yeni köməkçiləri təyin edilib

Bakı/29.11.19/Turan: Ölkə prezidentinin 29 noyabr tarixli sərəncamı ilə prezidentin köməkçisi vəzifəsini tutan Natiq Əmirov administrasiyanın iqtisadi siyasət və sənaye şöbəsinin müdiri təyin edilib.

Dövlət başçısının köməkçisi Fuad Ələsgərov hüquq-mühafizə orqanları ilə iş şöbəsinin müdiri təyin edilib.

Anar Ələkbərov birinci vitse-prezidentin köməkçisi vəzifəsindən azad edilib və ölkə prezidentinin köməkçisi təyin edilib.

Şahin Əliyev hüquqi ekspertiza şöbəsinin müdiri təyin edilib.

Zeynal Nağdəliyev ərazi orqanları ilə iş şöbəsinin müdiri təyin edilib.

Ədalət Vəliyev siyasi partiyalarla iş şöbəsinin müdiri təyin edilib.

Kərəm Həsənov Dövlət Nəzarəti şöbəsinin müdiri təyin edilib.

Hikmət Hacıyev beynəlxalq münasibətlər şöbəsinin müdiri təyin edilib.

Süleyman İsmayılov vətəndaşların müraciətləri ilə iş şöbəsinin müdiri təyin edilib.

Fərəh Əliyeva humanitar siyasət şöbəsinin müdiri təyin edilib. -02D-