Ruben Vardanyanın ilkin həbs müddəti 4 ay uzadılıb
Yanvarın 25-də Bakının Səbail Rayon Məhkəməsi Qarabağ separatçılarının keçmiş "dövlət naziri" Ruben Vardanyanın ilkin həbs müddətini 4 ay uzadıb.
O, 2023-cü ilin sentyabrında Qarabağda həyata keçirilən antiterror əməliyyatından sonra Ermənistan istiqamətində Azərbaycan sərhədini qanunsuz keçməyə cəhd edərkən saxlanılıb.
Vardanyan CM-in 214-1 (terrorçuluğu maliyyələşdirmə), 279.3 (qanunsuz silahlı birləşmə yaratma) və 318.1-ci (sərhədi qanunsuz keçmə) maddələri ilə ittiham olunur. Onu 15 ilədək azadlıqdan məhrumetmə cəzası gözləyir.
Vardanyanın və separatçıların digər liderlərinin işi üzrə istintaq Azərbaycan Dövlət Təhlükəsizliyi Xidməti tərəfindən aparılır.
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz