Bu müharibəni sona çatdırmaq lazımdır, həm də çox tez

Ermənistandan (bəlkə də başqa bir ölkədən) olan oxucunun bu şərhi saytımızdakı məlumatlardan birinin altında yerləşdirilib.

İrəli sürülən təkliflərin müəllifin şəxsi rəyi olub-olmadığını və ya hansısa ictimai qüvvələri təmsil edib-etmədiyini bilmirik.

Təklif olunan planın həyata keçirilməsi o qədər mümkün görünməsə  də, bu fikirləri daha geniş müzakirə üçün maraqlı hesab etdik və şərhi ayrı bir material kimi dərc edirik.

Deməli, plan belədir, əziz dostlar.

1-ci mərhələ. Ermənistan 6 rayonu azad edir: Ağdam, Füzuli, Cəbrayıl, Qubadlı, Zəngilan və Kəlbəcər. Azərbaycan Şaumyan, Getaşen, Martunaşen, Mardakert və Martuni rayonlarının nəzarət altında olan hissələrini azad edir və DQMV-yə verir. Azərbaycan öz zirehli texnikasının,  raket və pilotsuz uçuş aparatlarının 85%-ni 3-cü tərəfə satır, Ermənistan öz zirehli texnikasının 50%-ni 3-cü tərəfə satır (%-i bugünkü saydakı fərqlərin kompensasiyası üçün götürdüm). Ermənistan bu pula DQMV-nin, Azərbaycan isə ona verilmiş 5 rayonun infrastrukturunu bərpa edir. Laçın rayonunun bir hissəsindən eni 35 km.-dən az olmayan Laçın dəhlizi formalaşır və DQMV-nin tərkibinə daxil edilir. Laçın rayonunun ərazisinin qalan hissəsi Azərbaycana verilir. Həyata keçirilmə müddəti 1 ildir.

2-ci mərhələ. Azərbaycanlı qaçqınlar DQMV  və ətraf 7 rayona qayıdırlar, ermənilər 5 rayonun Azərbaycan tuttuğu hissələrinə qayıdırlar, ATƏT-in və ATƏT sülhməramlılarının nəzarəti altında  Dağlıq Qarabağ Keçid Muxtar Administrasiyası (Fələstin Muxtariyyəti kimi) yaradılır. Həyata keçirilmə müddəti 5-10 ildir.
3-cü mərhələ. Muxtar administrasiyanın statusu ilə bağlı iki variant üzrə ümumi referendum keçirilir: 1. Azərbaycanın tərkibində Dağlıq Qarabağ Muxtar Vilayəti, 2. Ermənistanın tərkibində Dağlıq Qarabağ Muxtar Vilayəti.

Variantların hər birində hər bir tərəf investisiyanın təbliği, mülkiyyət hüquqlarının qorunması, insan hüquqlarının müdafiəsi, multikulturalizm və s. kimi arqumentləri sübut edir. Hər iki millətin nümayəndələri təkcə Ermənistanla Azərbaycan arasında yox, həm də sərvət və yoxsulluq, hüquq və özbaşınalıq arasında seçim edir. Həyata keçirilmə müddəti 1 ildir.
4-cü mərhələ. Referendumun nəticələrinin Ermənistan, Azərbaycan, ATƏT-in və BMT tərəfindən tanınması.

Bütün plan 7 ildən 12 ilədəkdir, əlbəttə ki, bunun üzərində işləmək lazımdır. Hər halda, hər şeyi sülh yolu ilə etmək və buna cəhd göstərmək lazımdır, bir-birinə xoşagəlməz sözlər söyləyib, İnternetdə söyüş yazmaq lazım deyil. Başa düşmək lazımdır ki, hamımız insanıq, müharibə etməkdənsə ticarət aparmaq yaxşıdır.