Bakı/21.12.17/Turan: Dövlət başçısının iki köməkçisi - Əli Həsənov və Novruz Məmmədov ciddi-cəhdlə Britaniyanın Financial Times qəzetinin şəxsində Azərbaycanın növbəti "düşməninin" ifasına keçiblər.
Uzun illərdir yeni versiya uydurmağı öyrənə bilməyən Əli Həsənov və Novruz Məmmədov bildirirlər ki, "Avropa Şurası insan hüquqlarından imtina edir?" sərlövhəli məqalənin "müəyyən xarici anti-Azərbaycan dairələrin çirkin maraqlarına" xidmət edir.
Əli Həsənov Azərbaycan "dünyada demokratiya yolu ilə inkişaf edən, güclü iqtisadiyyata, yüksək beynəlxalq nüfuza malik, bütün azadlıqların təmin olunduğu ölkə, stabillik, təhlükəsizlik, tolerantlıq məkanı kimi tanındığı" bir halda Azərbaycan hakimiyyətinin insan hüquqlarının pozulmasında ittiham edilməsinə qəzəblənir.
Bu zaman o, Hollandiyanın ACT LLC humanitar tərəfdaşlıq təşkilatı tərəfindən Avropa İttifaqının "Şərq Tərəfdaşlığı" proqramının sifarişi ilə keçirilən araşdırmasına istinad edir (Qəribədir ki, Həsənov ən pis ifadələrlə tənqid etdiyi Aİ ölkələrinə və "Şərq Tərəfdaşlığı" proqramına birdən-birə hörmət etməyə başlayıb).
Daha ağıllı bir şey uydura bilməyən Həsənov erməni lobbisini "Azərbaycanın nüfuzunu ləkələmək" cəhdində, Financial Times qəzetini isə bu dairələrin əlində "vasitəyə" çevrilməkdə ittiham edir.
Novruz Məmmədova gəlincə, o, yeni bir şey kəşf etməklə "fərqlənib", Financial Times-ı "beynəlxalq münasibətlərin məkrli və qərəzli aktorları kimi aparan mətbuat orqanlarından biri" adlandırıb.
Bunun nə demək olduğunu, yəqin ki, yalnız Məmmədovun dərs dediyi Naxçıvan məktəblərinin şagirdləri izah edə bilər.
Bununla kifayətlənməyən Məmmədov bu dəfə geosiyasi xarakterli növbəti kəşfini ortaya qoyur və Financial Times-ı "bu gün beynəlxalq aləmdə yaranan gərginlikdə məsuliyyəti olan" nəşr adlandırır.
Daha sonra Məmmədov mətbəx dedi-qoduları səviyyəsinə enir ki, onlarla bağlı şərh vermək artıq münasib olmaz. -02D-
Söz istəyirəm
-
Azərbaycanda iqtidaryönümlü mətbuatın özünəməxsus və lazımınca qiymətləndirilməyən keyfiyyətləri var.
-
Dünən “Yeni Azərbaycan” qəzeti və hökumətə bağlı 5-6 sayt Milli Şuranın adından rus padşahı Vladimir Putunə bir saxta məktub dərc edib. Bu məktub əhvalatı mənim yadıma Kiyevdə knyaz Svyatopolk İzyaslaviçin ölümündən sonra boyar dumasının 1113-cü ildə Putinin ulu babası II Vladimir Monomaxa yazdığı məktubu saldı. Onlar yazırdılar ki, knyaz təcili olaraq Kiyevə gəl, sən gəlməsən çox böyük təlatümlər olacaq, şəhər talan ediləcək, boyarlara və monastırlara hücum olacaq.
-
22 yanvar Ukrayna üçün mühüm bir tarixdir – biz bu gün Ukraynanın Birləşmə Gününü qeyd edirik. Məhz 1919-cu ilin bu günü Kiyevdəki Sofiya meydanında Ukrayna Xalq Respublikası (UXR) ilə Qərbi Ukrayna Xalq Respublikasının (QUXR) birləşməsi haqqında Akt elan edildi. Bu, tarixi bir an idi ki, o zaman ukraynalıların vahid və bölünməz Ukrayna arzusu gerçəkliyə çevrildi.
-
20 yanvar ərəfəsində arxivləri yerbəyer edərkən rəhmətlik həmkarım Fərhad Kərimovun mənə verdiyi fotoşəkillər qovluğuna rast gəldim.
Rəy yaz