Bakı/10.06.19/Turan: Hüquq müdafiəçisi Oqtay Gülalıyev Facebook səhifəsində məhkəmə sənədlərinə əsaslanaraq 2017-ci ildə Azərbaycan Müdafiə Nazirliyinin hərbçisi, polkovnik-leytenant Saleh Qafarova tutulma və istintaq zamanı verilən işgəncələr barədə yazıb.
Həmin materiallar Criminal.az saytında dərc edilib.
S.Qafarov 2017-ci il mayın 4-də dövlətə xəyanət ittihamı ilə həbs edilib. O, istintaq zamanı ölüb. Bir ildən sonra 2018-ci il mayın 4-də onunla bağlı cinayət işinə bəraətverici əsaslarla xitam verilib.
S.Qafarov peşakar zabit olub, ermənilərlə döyüşlərdə fəal iştirak edib, nümunəvi və qüsursuz xidmətlərinə görə dəfələrlə orden və medallarla təltif olunub.
2017- ci il mayın 4-də evindən zorla aparılaraq Tərtərdə hərbçi həmkarları tərəfindən ölüncəyə qədər ağır işgəncələrə məruz qalıb.
O.Gülalıyevin bildirdiyinə görə, zorakılığı Müdafiə Nazirliyinin yüksək vəzifəli şəxsləri törədiblər.
Məhkəmə materiallarında S.Qafarovun cəsədi ətraflı təsvir olunub ki, bu da onun vəhşicəsinə işgəncələrə məruz qaldığını sübut edir. Eyni zamanda ona tibbi yardım göstərilməyib.
Zabitdən tələb ediblər ki, Ermənistanın xüsusi xidməti ilə əməkdaşlıq etdiyini etiraf etsin.
Öldükdən sonra S.Qafarovu doğulduğu və yaşadığı Qəbələ rayonunun Aydınqışlaq kəndinin qəbiristanlığında 300 nəfər polisin və hərbçinin iştirakı ilə dəfn ediblər. Ailə üzvlərinin, qohumlarının dəfn mərasimində iştirakına icazə verməyiblər.
Uzun müddətdən sonra bir qrup hərbçinin törətdiyi bu cinayətin üstü açılıb və zabiti öldürən hərbçilər həbs olunaraq mühakimə ediliblər. İstintaq müəyyən edib ki, S.Qafarov və onun digər xidmət yoldaşları günahsız yerə əziyyət çəkiblər.
Ancaq günahkarları (5 hərbçi) S.Qafarovun ölümünə görə yox, başqa ittihamlarla həbs ediblər və 6 il azadlıqdan məhrum ediblər.
Bu faktlarla bağlı Müdafiə Nazirliyindən və Hərbi Prokurorluqdan şərh almaq mümkün olmayıb. Həmin orqanlardan birinin adının açıqlanmasını istəməyən nümayəndəsi deyib ki, artıq məhkəmələr baş verənlərə hüquqi qiymət veriblər. -03B06-
Cəmiyyət
-
Tarixçi Cəmil Həsənlinin son Facebook paylaşımı Azərbaycanın pensiya sistemi və əmək bazarı ilə bağlı müzakirələri yenidən alovlandırıb, sosial təminat və məşğulluq siyasətlərindəki ciddi çatışmazlıqları üzə çıxarıb. Kəskin tənqid, Əmək və Əhalinin Sosial Müdafiəsi Naziri Sahil Babayevin parlament iclasında “heç vaxt işləməmiş və sosial sığortaya töhfə verməmiş şəxslərin pensiya hüququ olmamalıdır” bəyanatından sonra gəldi. Bu açıqlama, məşğulluq boşluqları və məhdud sosial təminat şəbəkələrinin bərabərsizliyi artırdığı Azərbaycanın əmək və pensiya sistemindəki köklü struktur problemlərinə diqqəti cəlb edib.
-
Azərbaycanda bir qrup tiktoker inzibati qaydada həbs olunub. DİN-in mətbuat xidmətinin məlumatına görə, saxlanılan şəxslər "sosial şəbəkələrdə cəmiyyətə qarşı hörmətsizlik, mənəvi dəyərlərə uyğun olmayan qeyri-etik paylaşımlar və çağırışlar" edirdilər.
-
Səhiyyə Nazirliyinin yüksək vəzifəli əməkdaşları həbs edilib, qanunsuz plastik cərrahiyyə əməliyyatlarının aparılması üçün saxta sertifikatlar təqdim etməkdə şübhəli bilinən altı nəfər saxlanılıb. Mətbuat məlumatlarına görə, saxta sertifikatlarla bağlı qalmaqallı yazılarda adı çəkilən Kadrlar, Elm və Təhsil Şöbəsinin müdiri Səidə Rüstəmova bu gün saxlanılıb. Araşdırma yazılarında adı keçən digər şəxslərin də, o cümlədən Səhiyyə nazirinin müavini İlqar Qasımovun həbs olunmuş ola biləcəyi bildirilib.
-
Dekabrın 25-də paytaxtda və Abşeron yarımadasında hava tutqun, yağıntısız olacaq. Şimal-qərb küləyi əsəcək. Nisbi rütubət 70-80% təşkil edəcək. Havanın temperaturu gecə 4-6, gündüz 8-11 dərəcə təşkil edəcək.
Rəy yaz