Bakı/30.07.19/Turan: Avqustun 1-də Azərbaycan Kinematoqrafçılar İttifaqı avqustun 2-də qeyd olunan Azərbaycan Milli Kinosu Gününə həsr olunmuş tədbir keçirəcək. Tədbir çərçivəsində Kino Evinin təntənəli açılışı olacaq, bu barədə AKİ-nin Turan agentliyinə daxil olan press-relizində deyilir.
Bundan başqa, bir çox kinematoqrafçılara Azərbaycan kinosunda göstərdikləri fəaliyyətlərinə görə mükafatlar təqdim olunacaq. Bu ilki mükafatlara yaradıcı ziyalıların dörd nümayəndəsi layiq görülüb. Onların adları iyul ayının 31-də açıqlanacaq.
Tədbir bayram konserti ilə başa çatacaq.
Tədbir 1 avqust saat 18:00-da Bakı şəhəri, Həsən Seyidbəyli 18, Kinematoqrafçılar İttifaqının Kino Evində keçiriləcək.
Əlavə məlumat və akkreditasiya üçün: email: info@aki.az, tel: (+99412) 497-19-10, (+99470) 335-03-05.
Akkreditasiya 31 iyula qədər davam edəcək, deyə press-relizdə qeyd edilir. -02D-
Mədəniyyət
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
-
3 yanvar tarixində Bakıda, QGallery-də, gənc azərbaycanlı rəssam Samirə Allahverdiyevanın ilk fərdi sərgisi olan “Zamanın Salnaməsi”nin açılışı keçirildi. Onun karyerasında mühüm bir mərhələni qeyd edən bu sərgi, rəssamın doğum günü ilə üst-üstə düşərək tədbirə şəxsi bir rezonans qatdı.
-
Azərbaycan kinosunun çoxdan gözlənilən anı nəhayət gəlib çatdı. Yerli rejissorlar öz yeni əsərlərini təqdim edərək, animasiya, dram və uşaqlıq xəyalları ilə dolu bir qarışığı böyük ekranlara gətirdilər. Nurlan Həsənlinin Erkən Hisslər, Hacı Səfərovun Tərsinə Kölgələr və Məsud Pənahinin animasiya filmi Nərqız maraqla gözlənilən tamaşaçılar tərəfindən həm alqışla, həm də tənqidlə qarşılandı.
-
Tarixdə baş verən hadisələr sadəcə bir rəqəm, tarixi yaddaş olaraq qalmır. Bu hadisələr mədəni yaddaşda da dərin izlər buraxır. Xüsusən sənətçilər hadisələri öz hiss etdikləri, anladıqları formada əsərlərinə köçürdürlər. 20 Yanvar da mədəni yaddaşa köçmüş hadisələrdən biridir. Müasir dövr yaradıcılığında nisbətən az işlənən mövzu olsa da heç vaxt öz aktuallığını itirmir. Bu tarixi yaddaş necə göstərilməlidir? İncəsənətdə necə öz əksini tapır?
Rəy yaz