Arxiv
Alov Ağsu aşırımına qədər çatıb
Bakı/02.08.18/Turan: İyulun son günlərində Siyəzən, Şabran, Quba rayonlarında güclü yanğınların öhdəsindən çətinliklə gələn Fövqəladə Hallar Nazirliyinin Dövlət Yanğın Təhlükəsizliyi Xidmətinin regional şöbələri dağ massivlərində yeni yanğın mənbələri qeydə alınan Ağsu və Şamaxı rayonlarına keçiriliblər.
FHN-in məlumatına görə, avqustun 2-nə keçən gecə Ağsu və Şamaxı rayonları arasında meşədə və meşəyə bitişik ərazilərdə yanğın baş verib. FH bölgəsinə Dövlət Yanğından Mühafizə Xidmətinin yanğınsöndürənləri, habelə Mülki Müdafiə qoşunları, Xüsusi Riskli Xilasetmə Xidmətinin şəxsi heyəti, aviasiya dəstəsinin 2 ədəd Mİ-17 helikopteri (200-dən çox şəxsi heyət və 20 ədəd texnika), Ekologiyavə Təbii Sərvətlər Nazirliyinin Meşə Təsərrüfatı Departamentinin yerli şöbəsinin əməkdaşları cəlb edilib.
Yanğın fəlakəti ilə arasıkəsilməz mübarizədən sonra bu gün səhər yanğını lokallaşdırmaq mümkün olub. Ağsu rayon İH-nin mətbuat xidmətinin məlumatına görə, təbii fəlakətin nətiələrinin aradan qaldırılması üzrə işlər aparılır, ərazidə yerləşən obyektlər alovdan qorunur.
FHN-də qeyd edirlər ki, bütün yanğınların səbəbi insan amilidir: insanlar otu yandırarkən nəticələrini ciddi şəkildə nəzərə almırlar. Quru yay və istilər yanğın mənbələrinin ortaya çıxmasına şərit yaradır. Yanğınlarda təqsirli olan şəxslərin müəyyən edilməsi və qanunvericiliyə uyğun olaraq cəzalandırılması üzrə işlər görülür. -0-
-
- Cəmiyyət
- 2 Avqust 2018 13:39
-
- İqtisadiyyat
- 2 Avqust 2018 14:48
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz