Antisemitizmin olmadığı ölkə

“Burada antisemitizm yoxdur və heç vaxt da olmayıb”, Haarez-in müxbiri Anşel Pfefferin Azərbaycanda hər addımda eşitdiyi ifadə bu olub. Və söhbət sakinlərinin 95%-ni şiə müsəlmanlar təşkil edən, İranla isə həddindən artıq yaxın olan bir ölkədən gedir. 

Doğrudur, azərbaycanlılar və yəhudilər 2500 ildən çox müxtəlif imperiyaların tərkibində birlikdə yaşayıblar, deyə müəllif yazır. Bir çox şiələr tolerantdır, Azərbaycan mədəniyyəti isə kifayət qədər dünyəvidir. İsrailin Azərbaycanla güclü strateji ittifaqı var. Prezident İlham Əliyev tez-tez yəhudi mərkəzlərinə baş çəkir.

Amma müəllif Dağlıq Qarabağ uğrunda müharibəni xatırladır və qeyd edir: “oğru rejim nümayişçiləri döyür, jurnalistləri və dissidentləri əsassız olaraq həbsə atır və seçkilərin nəticələrini saxtalaşdırır”.

Pfefferin fikrincə, insan hüquqları sahəsində vəziyyətin müəyyən edilməsi üçün “lakmus kağızı” yəhudilərə qarşı münasibətdir. Amma Azərbaycanın və “Putin Rusiyasının” təcrübəsi onda belə bir sual yaradıb: “Diktator öz xalqına qarşı pis, yəhudilərə qarşı isə yaxşı davrana bilərmi? Bəlkə onun hərəkətləri Vaşinqtondakı “yəhudi lobbisinin” himayəsinə olan ümidlə izah olunur?”

Coordination Forum for Countering Anti-Semitism-in məlumatına görə, 2012-ci ildə Azərbaycanda cəmi bir antisemitizm hadisəsi qeydə alınıb: Rusiyalı journalist Vladimir Solovyev Azerbaijan Airlines-I ermənini reysə buraxmadığı üçün pislədikdən sonar antisemitik məktub alıb.

“Yəqin ki, bir hadisə əsasında ekstrapolyasiya etməyə ehtiyac yoxdur, amma, görünür, yəhudilərə dözümlü yanaşır və onlar loyal Azərbaycan vətəndaşları kimi davrandıqları zaman onları müdafiə edirlər”, deyə müəllif qeyd edir. Gənc yəhudilər etiraz hərəkatına qoşularsa, Əliyev yəhudi icmasını qorumağa davam edəcəkmi?

Azlıq üçün əsl təhlükəsizlik zəmanəti yalnız demokratiya ola bilər, diktatorun xoş münasibəti deyil, deyə müəllif fikrini tamamlayır. -02D-