![Arzu Kazımovskinin barəsində həbs qətimkan tədbiri seçilib](https://turan.az/resized/./turan-750-500-resize.webp)
Arzu Kazımovskinin barəsində həbs qətimkan tədbiri seçilib
Noyabrın 6-da Səbayel Rayon Məhkəməsi Arzu Kazımovskinin barəsində həbs qətimkan tədbiri seçib. Onun adı fəaliyyəti dayandırılmış Beynəlxalq Universitetin rektoru Elşad Abdullayevin itkin düşmüş qardaşı Mahir Abdullayevlə bağlı cinayət işində keçir.
Vəkil Ramiz Zeynalov Turan-a bildirib ki, A.Kazımovski Cinayət Məcəlləsinin 178.2.3-cü maddəsi ilə (şəxs tərəfindən öz qulluq mövqeyindən istifadə etməklə dələduzluq törədilməsi) ittiham olunur.
A.Kazımovski “İnşaatservis-2002” şirkətinin təsisçisi və rəhbəridir. E.Abdullayev mediaya bildirib ki, A.Kazımovski qardaşının qaytarılması müqabilində yüksək vəzifəli şəxslərə rüşvət vermək üçün ondan 3 milyon dollar alıb. O, qardaşı qaytarılmadığı üçün sonradan pullarını geri istəyib və A.Kazımovski vəsaiti qaytarmayıb. Bunun müqabilində ona ev və torpaq sahəsi verib. Lakin E.Abdullayev pullarının qaytarılmasını tələb edir.
“Arzu Kazımovskiyə qarşı irəli sürülən ittiham və onun həbsi əsassızdır. Çünki nə Elşad Abdullayevin A.Kazımovskiyə qardaşının qaytarılması müqabilində pul verməsini, nə də A.Kazımovskinin bu pulları ondan M.Abdullayevin qaytarılması müqabilində aldığını sübut edən hər hansı sənəd və ya sübut yoxdur”, - vəkil R.Zeynalov Turan-a bildirib.
Onun sözlərinə görə, A.Kazımovski pulları E.Abdullayevdən 30 faiz sələmə alıb və bunu təsdiq edən notariat sənədi var. A.Kazımovski pulu 1 il yarım müddətə tikinti işlərini davam etdirməsi üçün alıb və sənəddə təsdiq olunub. Lakin bir neçə aydan sonra E.Abdullayev pullarını tələb edib.
A.Kazımovski əvvəlcə Əhməd Cavad küçəsində tikdiyi evdə E.Abdullayevin hansısa vəzifəli şəxsə bağışlaması üçün 500 min manat dəyərində qiymət qoyduqları 411 kv. metr mənzil verib. Bundan sonra isə
A.Kazımovski aldığı qalan pulun müqabilində Suraxanıda aeroport yolunun üstündə yerləşən, qardaşına məxsus 2 hektar 20 sot torpağı, oradakı ofis binası və şirkəti ilə birgə E.Abdullayevə verib. Tərəflər razılaşıblar ki, borc və sələm ödənilib, bu barədə notarius sənədi var”, -
vəkil qeyd edib.
Xatırladaq ki, həbs qətimkan tədbiri seçilməmişdən öncə A.Kazımovski iki dəfə şahid qismində istintaqa dəvət edilib. Sonuncu dəfə noyabrın 3-də istintaqa dəvət ediləndə səhhəti pisləşib, şəkəri 295-ə və ürək təzyiqi 160-a qalxıb. O, xəstəxanaya yerləşdirilib. Xəstəxanada vəkillə görüşə imkan verilməyib, palatasının qapısı qarşısında polis postu qoyulub. Sonra isə məhkəməyə aparılaraq barəsində həbs qətimkan tədbiri seçilib.
Medianın yazdığına görə, M. Abdullayevin işi ilə bağlı daha iki nəfər, Nazirlər Kabinetinin keçmiş işçisi Vaqif Hüseynov və Nəriman adlı şəxs də həbs edilib.-03B-
-
- İqtisadiyyat
- 7 Noyabr 2012 11:44
-
- Cəmiyyət
- 7 Noyabr 2012 12:08
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz