Bakı/17.09.19/Turan: Sentyabrın 17-də Bakı Mətbuat Klubunun saytının (pressklub.az) təqdimatı olub. 1998-ci ildə yaradılmış Mətbuat Klubu 7 ildən sonra öz fəaliyyətini dayandırmalı olub.
Mətbuat Klubunun bərpasının təşəbbüsçüsü onun təsisçilərindən biri və "Yeni Nəsil" Jurnalistlər Birliyinin sədri Arif Əliyevdir. A.Əliyev deyib ki, sayt bütün sağlam qüvvələri birləşdirməyə və əməkdaşlığa cəlb etməyə yönəlib.
Sayt bu və ya digər şəkildə mətbuatla bağlı insanları məlumatlandırmaq, onlara yardım etməyə və birləşdirməyə yönəlib. "Bu da özü-özlüyündə bir növ Asan-xidmət olacaq", - o qeyd edib.
Saytda mətbuata dair yerli və beynəlxalq qanunvericilik, jurnalistlər üçün beynəlxalq strukturların təklifləri barədə məlumatlar olacaq, xarici KİV-lərdə Azərbaycan haqda dərc edilən yazılar yer alacaq.
A.Əliyevin sözlərinə görə, saytın işə salınması Bakı Mətbuat Klubunun tam bərpası yolunda ilk addımdır. "Ümid edirik ki, qarşıdakı müddətdə yer ilə bağlı digər təşkilati məsələlər də həll olunacaq", - o qeyd edib.
Maliyyələşmə ilə bağlı həmkarlarının sualının cavabında A.Əliyev deyib ki, hazırda saytın yaradılması üçün kiçik maliyyə vəsaiti lazım gəlib. O ümidvar olduğunu bildirib ki, Mətbuat Klubunun gələcək fəaliyyəti beynəlxalq və yerli strukturların, KİV-lərin dəstəyi və iştirakı ilə baş verəcək.
Bakı Mətbuat Klubu 1998-ci ildə "Yeni Nəsil" JB, Turan agentliyi, "Zerkalo", "Xalq", "525-ci" qəzetlər və ANS TV tərəfindən təsis edilib.
Bir il sonra ANS, onun ardınca isə hökumətyönlü "Xalq" qəzeti təsisçilərin tərkibindən çıxıblar.
Bir neçə il sonra Mətbuat Klubu maliyyə problemləri və hakimiyyət dəstəyinin olmaması səbəbindən fəaliyyətini dayandırmalı olub. -02B-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz