журналист Джавид Ширалиев
Bakı/18.01.18/Turan: Yanvarın 18-də Gəncə Apellyasiya Məhkəməsində jurnalist Cavid Şirəliyevin şikayətinə təkrar baxılması baş tutmayıb. Buna prosesə sədrlik edən hakimin dəyişdirilməsi səbəb olub. Dinləmələr yanvarın 25-nə keçirilib. Bu Barədə Turan-a jurnalistin anası məlumat verib.
Xatırladaq ki, 7gun.az-ın redaktoru Cavid Şirəliyev 2016-cı il mayın 22-də həbs edilib.
Gəncə Ağır Cinayətlər Məhkəməsi onu hədələmək yolu ilə rüşvət tələb etmə ittihamı ilə (CM-in 182.2.1 və 182.2.4-cü maddələri) təqsirli bilib.
C.Şirəliyev 2014-cü il avqustun 30-da DİN əməkdaşları tərəfindən saxlanılıb və Mütəşəkkil Cinayətkarlığa qarşı Mübarizə Baş İdarəsinə aparılıb. O 2013-cü il iyunun ortalarında Asif Orucov oğlu ilə əlbir olaraq Şəfiqə Xankişiyevanı Tovuz rayonunun Qovlar kəndində yerləşən "Tatar" kafesində qumarxana olması haqda nüfuzdan salan material yaymaqla hədələyərək ondan 2 min manat tələb etməkdə ittiham olunur. Müdafiə tərəfinin vergi qurumundan təqdim etdiyi sənədə görə, əslində Tovuz rayonunda belə kafe olmayıb.
Qeyd etmək lazımdır ki, 2012-ci il dekabrın sonlarında C.Şirəliyev "Qırmızı körpü" sərhəd -keçid məntəqəsində şair Bəxtiyar Hidayətin hüquqlarının pozulması haqda məlumatı KİV-ə verdikdən sonra təqiblərə məruz qalıb.
Müdafiə tərəfinin məlumatına görə, məhkəmə C.Şirəliyevin təqsirini sübut edə bilməyib və bütün ifadələr Ş.Xankişiyevanın bəyanatı üzərində qurulub.
Avqustda Ali Məhkəmə C.Şirəliyevin şikayətini qismən təmin edib və işi təkrar baxılmaq üçün Gəncə Apellyasiya Məhkəməsinə göndərib.
Sülh və Demokratiya İnstitutu, "Siyasi Məhbuslarsız Azərbaycan" Alyansı və Siyasi Məhbusların Monitorinqi Mərkəzi C.Şirəliyevi 158 nəfərlik siyasi məhbuslar siyahısına daxil ediblər.-06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz