Bakı/24.08.17/Turan: Bu gün Monakoda Bakı vaxtı ilə saat 20:00-da Çempionlar Liqasının qrup mərhələsinin püşkatma mərasimi olacaq. Nəticədə "Qarabağ"ın üç rəqibi məlum olacaq. 32 komanda dörd səbətdə yer alıb.
Birinci səbətdə yüksək reytinqə malik komandalar yer alıb: "Real" (Madrid), "Bavariya" (Münhen), "Çelsi" (London), "Yuventus" (Turin), "Benfika" (Lissabon), "Monako", "Spartak" (Moskva), "Şaxtyor" (Donetsk).
İkinci səbətə öz ölkələrində çempion ola bilməyən, ancaq yüksək reytinqli komandalar daxildir: "Barselona", "Atletiko" (Madrid), PSJ (Fransa), "Borusiya" (Dortmund), "Sevilya" (İspaniya), "Mançester-siti", "Porto", "Mançester-Yunayted".
Üçüncü səbət: "Napoli", "Tottenhen", "Bazel", "Olimpiakos", "Anderlext", "Roma", "Beşiktaş" və "Liverpul".
Nəhayət, sonuncu dördüncü səbətdə "Qarabağ"la yanaşı Şotlandiyanın "Seltik", Kiprin (Apoel), "Sportinq" (Lissabon), MOİK (Moskva), "Feyenord" (Hollandiya), "Maribor" (Sloveniya), "Leypsiq" (Almaniya).
"Qarabağ"ın rəqibləri ilk üç səbətdən bir komanda olacaq.
Çempionlar Liqasının qrup mərhələsində zəif rəqib olmur, buna baxmayaraq, "Spartak", "Şaxtyor" və ya "Monako" arzuolunan ola bilər.
İkinci səbətdən "Porto" və ya "Sevilya" münasib görünür.
Üçüncü səbət- "Bazel", "Olimpiakos", "Beşiktaş" və ya "Anderlext".
Ancaq futbol bayramı ilə əlaqədar "Real", "Barselona", "Bavariya", "Yuventus", "Çelsi", "Mançester Yunayted" kimi komandaları Bakıda görmək xoş olardı.06D--
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz