!["Delta" ştammı aşkarlanması təlaşа səbəb deyil](https://turan.az/resized/750/500/resize/media/2021/main/071500035671.jpg)
"Delta" ştammı aşkarlanması təlaşа səbəb deyil
Azərbaycanda ölkə xaricindən gələn 31 şəxsdə koronavirusun Delta variantı aşkar olunub.
Bu barədə iyulun 13-də birgə məlumat yayan Səhiyyə Nazirliyi, İcbati Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyi (TƏBİB) qeyd edib ki, 9 nəfərdə isə infeksiyasının Britaniya variantı tapıldı.
Koronavirusun Britaniya ştammı Azərbaycanda əvvəllər aşkar olunursa da, Delta ştammı ölkə ərazisində ilk dəfədir qeydə alınıb.
Karantin rejimini yumşaldan dünyanın bir çox ölkələrində yayılmış Delta variantı yeni qapanmalara və müxtəlif məhdudlaşdırmalara səbəb olub.
Alimlər isə bildirir ki, koronavirusun Delta variantı əvvəlki ştammlardan daha yoluxdurucu və aqressivdir.
Bəs Azərbaycanda karantin rejiminin sərtləşdirilməsi gözlənilirmi? Buna ehtiyac varmı?
Milli Məclisin Səhiyyə Komitəsinin üzvü Məlahət İbrahimqızı Turana bildirib ki, məhdudlaşdırıcı tədbirlərin olub-olmaması əhalidən asılıdır. «Operativ Qərargah iyulun 1-dən müəyyən qaydalar çərçivəsində toy, xeyir mərasimlərin keçirilməsinə icazə verib. Amma çox təəssüf ki, insanlar həmin qaydalara riayət etmir. Yenə də toylara normadan artıq insanlar dəvət olunur, qoruyucu maskalardan istifadə olunmur, sosial məsafəyə riayət edilmir. Sanki tamamilə dünyada koronavirus pandemiyası yoxdur».
Komitə üzvü qeyd edib ki, Azərbaycanda son günlər koronavirusa yoluxma dinamikasında nəzərə çarpacaq qədər artım var. «Əhali qaydalara riayət etməsə əlbəttə ki, hər hansı sərtləşmə tədbiq oluna bilər. Başa düşürük, insanlar artıq bezib, amma müəyyən olunmuş qaydalara çox ciddi şəkildə riayət etmək lazımdır».
M.İbrahimqızı vurğulayıb ki, insanlar mütləq vaksinasiya prosesində iştiral etməlidir. «Peyvənd bu xəstəlikdən qorunmasında ən yaxşı yoludur».
Azərbaycan Həkimləri İctimai Birliyinin təsisçilərindən biri, həkim-radioloq Aydın Əliyev isə bildirib ki, bəzi məsələlərə aydınlıq gətirilməlidir. «Çay gəlməmiş cırmanırıq keçməyə olmaz. Həmin Delta ştammına yoluxmuş 31 nəfərdən neçəsi yüngül, neçəsi ağır vəziyyətdədir? Bəlkə heç ağır vəziyyətdə olan yoxdur? Onlar peyvənd olunubmu? Bu məsələlər cəmiyyətə açıqlanmalıdır. Amma heç bir açıqlama verilməyib».
Mütəxəssis qeyd edib ki, situasiyaya uyğun qərar vermək lazımdır. «Ölkəmizdə əhalinin yarıya qədərinin bir hissəsi peyvənd olunub, bir hissəsi isə yoluxub sağalıb. Ona görə də fikrimcə, sərtləşdirmələrə ehtiyac yoxdur». -0-
-
- Cəmiyyət
- 15 İyul 2021 17:18
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz