Mayıın 8-də Bakı Ağır Cinayətlər Məhkəməsində Əhməd Quliyevin sədrliyi ilə 31 yaşlı fəal facebook istifadəçisi Əbdül Əbilov barəsində işi davam edib.
Proses başlamazdan əvvəl Əbdül Əbilov zalda iştirak edənlərə üz tutaraq, “ölkəni Şimali Koreyaya çevirə bilməyəcəklər”, deyə fikir bildirib.
Məhkəmə başladıqdan sonra vəkil Xalid Bağırov məhkəməyə əlavə şahidlərin çağırılması haqqında vəssatət qaldırıb. Hakim vəsatəti təmin edib, müdafiə tərəfin iki şahidi dindirilib.
Şahid Mahir İsmayılov Əbilovun yaşadığı evin həyətinə əli qandallı gətirildiyini görüb. Bu, istintaqın Əbilovun həyətdə saxlanıldığı və özünün cibindən narkotik çıxardığı, daha sonra “könülü” şəkildə evə çıxıb əlavə narkotik paketi gətirdiyi, əlinə qandal taxılmadığı haqqında versiyasını təkzib edir.
Prokuror Ramin Nağdəliyev şahidə etiraz edərək, Əbilovun əli qandallı olmadığını bəyan edib.
Hakim şahiddən Əbilovun narkotikdən istifadə edib-etmədiyini soruşub, o, inkar cavabı verib. Hakimlər şahidə çox sayda suallar verməyə başlayıblar. Əbilovun tərəfdarları bunu şahidə təzyiq kimi qiymətləndiriblər. Buna cavabda hakim Əhməd Quliyev bunu məhkəməyə hörmətsizlik adlandırıb və zalı tərk etməyi tələb edib.
“Məni buarada saxlamağınız hörmətsizlikdir. Sizə nə deyəcəklər, onu da edəcəksiniz”, deyə Əbilov öz növbəsində bildirib.
Öz növbəsində şahid Təşkilat Abdullayev bildirib ki, Əbilovun saxlanıldığını eşidib, bir müddət sonra isə o, əli qandallı həyətə gətirilib. Hakim şahiddən Əbilovun niyə həbs edildiyini soruşduqda o, “siyasətə görə” cavabı verib.
Əbilov 22 noyabr 2013-cü ildə Yasamal rayonunda öz evinin yaxınlığında DİN-in Mütəşəkkil Cinayətkarlığa qarşı Mübarizə İdarəsinin (MCMİ) əməkdaşları tərəfindən saxlanılıb. Saxlanılarkən guya onun cibindən içərisində 2,679 qr heroin olan sellofan paket tapılıb, kirayə tutduğu evdə isə 4,677 qr heroin tapılıb.
Əbilov 12 ilədək azadlıqdan məhrumetmə cəzası nəzərdə tutan 234.4.3-cü (böyük ölçüdə narkotik vasitələrin qanunsuz saxlanılması və ya satışı) maddə ilə cinayət məsuliyyətinə cəlb edilib. Məhkəmədə gənc bildirib ki, siyasi motivlərlə və facebookda fəallığına görə həbs edilib. -16C06-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz