Facebook fəalı Daşqın Məlikov şərti olaraq vaxtından əvvəl azad edilib
Gənc fəal Daşqın Məlikov bu gün həbsdən azad edilib. Xəzər rayon məhkəməsinin qərarı ilə o, cəza müddətinin 1/3-ni çəkməsi ilə əlaqədar şərti olaraq vaxtndan əvvəl azadlığa buraxılıb.
Bu barədə Turan-a Məlikovun atası Əlisəfa Məlikov bildirib. Onun sözlərinə görə, vaxtından əvvəl azad edilmə haqqında qərar astma xəstəsi olan gəncin səhhəti nəzərə alınmaqla qəbul edilib.
Fəal facebook istifadəçisi olan Məlikov 25 mart 2013-cü ildə həbs edilib, iyulun 3-də isə narkotik saxlamaq ittihamı ilə 2,5 il müddətinə azadlıqdan məhrum edilib.
O, Amnesty İnternational tərəfindən “vicdan məhbusu” kimi tanınıb.
2013-cü il prezident seçkiləri ərəfəsində həbsdə olan Məlikov bəyanat yayaraq, AXCP-dən çıxdığını və hakim Yeni Azərbaycan Partiyasına daxil olmaq niyyətində olduğunu bildirib.
“Biz Daşqının azad edilməsinə sevinirik. Gənc ciddi xəstə idi və nəhayət, azad edilib”, deyə öz növbəsində AXCP Ali Məclisinin rəyasət heyətinin üzvü Seymur Həzi bildirib. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz