Milli Şura iqtidarı əxlaq normalarını ayaqlamaqda ittiham edir

Milli Şura AXCP üzvü, 30 sutkalıq inzibati həbs cəzası alan Kəmalə Bənənyarlı ilə bağlı bəyanat yayıb.

Müəlliflər iki övlad anası olan K.Bənənyarlının həbsini “iqtidarın əxalq və mənəviyyat normalarını, milli mentaliteti ayaq altına alması” kimi dəyərləndirirlər.

Azərbaycanda son 23 ildə heç bir qadına 30 sutka inzibati cəza tətbiq olunmadığı üçün K.Bənənyarlıya münasibətdə ilk dəfə  olduğunua görə, bu, “ən sərt inzibatı cəza” kimi qeyd edilir.

Müəlliflər K.Bənənyarlının saxlandığı Nəsimi rayon polis idarəsində fiziki zorakılığa məruz qaldığı və buna görə məhkəmədə vəkillə təmin olunmasına imkan verilmədiyi iddia olunur.  

Sənəddə K.Bənənyarlının hüquqi müdafiəsilə bağlı bütün addımların atılacağı bildirilir. 

Xatırladaq ki, mayın 6-da “NİDA” gənclər hərəkatının 8 üzvünə uzunmüddətli həbs cəzası verilib.

İctmiayyət nümayəndələri bunu etirazla qarşılayıblar. Aksiya keçiriblər, aksiyada 17 nəfərə qədər adam saxlanılıb ki, onlardan biri də K.Bənənyarlıdır. K.Bənənyarlı 39 sutka inzibati həbs cəzası alıb.

Şahidlər K.Bənəyarlının saxlandığı polis idarəsində fiziki zorakılığa məruz qaldığını iddia etsələr də, Nəsimi rayon polis idarəsi bu informasiyaları təkzib edib. -05D-