Ə.Kərimli: hakimiyyəti Leyla Yunusdan intiqam alır

Müsavat Partiyası Sülh və Demokratiya İnstitutunun (SDİ) direktoru Leyla Yunus və xanımı Leyla Yunusla bağlı bəyanat yayıb.

Müəlliflər jurnalist Rauf Mirqədirovun həbsindən sonra SDİ direktoru, bir çox beynəlxalq mükafatların laureatı L.Yunusa və həyat yoladşı A.Yunusa təzyiqlərin artmasına diqqət çəkiblər. Xəstəxanada müalicə alan A.Yunusun oradan çıxarılaraq L.Yunusla birgə prokurorluğa çağırılması, xaricə yola düşmək istərkən A.Yunusun sağlamlığının daha da pislşməsi və yenidən xəstəxanaya düşməsi nəzərə çatdırılır.

Hüquq-mühafizə orqanlarının L.Yunusa qarşı qeyri-insani rəftarı, əxlaqa zidd hərəkətləri hakimiyyətin bütün sərhədləri keçməsi kimi dəyərləndirilir. L.Yunusun heç bir cinayət əməli olmadığı halda ölkəni tərk etməmək haqda xəbərdarlığa imza tələb olunması hüquqi nihilizm adlandırılır. 

Son olaraq müəlliflər Leyla və Arif Yunusa qarşı qanunsuz hərəkətləri pisləyərək hakimiyyətdən bu biabırçılığa son qoymağı, qanunsuz hərəkətlərə yol verənlərin cəzalandırılmasını tələb edirlər.

“Maskalarını çıxarıblar. Açıq şəkildə, bağıra-bağıra deyirlər ki, heç bir keçilməyən qırmızı xətt tanımırlar. Hakimiyyət Leyla Yunusu saxlamaqla, ona qarşı edilən əxlaqsızlıqla nəinki qanunları, həm də hər zaman arxasında gizləndiyi, sui-istifadə etdiyi milli mentalitetimizi ayaqladı. Bir daha hamımıza bəyan etdilər ki, onlar üçün müqəddəs heç nə yoxdur”, deyə AXCP lideri Əli Kərimli öz facebook səhifəsində yazıb. 

Onun fikrincə, hakimiyyət L.Yunusdan açıq-aşkar qisas alır.

“Evi sökülənləri, siyasi məhbusları qorxmadan müdafiə etdiyi üçün ondan qisas alırlar. Onu repressiyaya məruz qoymaqla, digərlərini də qorxutmaq və beləliklə, ölkədə bütövlükdə hüquq müdafiəçisi institunu sıradan çıxarmaq istəyirlər. 

Rusiya bölgədə aranı qatıb, bunların nefti, qazı yenə də Qərb üçün önəmli olub. Müvəqqəti əllərinə düşmüş bu fürsətdən istifadə edib, demokratik düşərgəni zəiflətmək istəyirlər. Amma alınmır və alınmayacaq. İctimai-siyasi fəalları qorxutmaq onsuz da mümkün olmur. Onlar kiminlə mübarizə apardıqlarını da, nə uğrunda mübarizə apardıqlarını da yaxşı bilirlər”, Kərimli belə hesab edir. -0-