SDİ-də axtarış başa çatıb (Video)(YENİLƏNİB)

Leyla Yunusun rəhbərlik etdiyi Sülh və Demokratiya İnstitutunun (SDİ) Nizami küçəsi, 63 ünvanında yerləşən ofisində axtarış saat 19.00 radələrində başa çatıb.

Axtarış 5 hüquq-mühafizə orqanı işçisi tərəfindən aparılıb. Bu zaman, Yunusun israrı ilə baş verənləri həmçinin SDİ rəhbərinin etibar etdiyi 5 media və vətəndaş cəmiyyəti nümayəndəsi müşahidə edib.

Axtarış prosesinə şahidlər də cəlb edilib.

Yoxlayanlar bütün kompüterləri, Arif Yunusun kitablarını, müxtəlif çap materiallarını, o cümlədən Yunusların iştirakı ilə keçirilən konfranslardan materialları müsadirə ediblər.

Axtarışın yekunlarına görə protokol tərtib edilib.

Ofisdən sonra Yunusun mənzilində də axtarış aparılacaq. -02С-

*   *   *

2014 Aprel 29 (Çərşənbə axşamı) 16:56:18

Sülh və Demokratiya İnstitutunun (SDİ) direktoru Leyla Ynus Baş Prokurorluğun Ağır Cinayətlər üzrə İstintaq İdarəsində dindirilib. Bu barədə Turan-a vəkil Xalid Bağırov bildirib.

Dindirmə fasiləsiz olaraq saat 7.00-dan 16.00-a qədər aparılıb.

Onun sözlərinə görə, Yunusu Ermənistanın xeyrinə casusluqda və SDİ-nin Ermənistan QHT-si ilə layihələrində ittiham olunan jurnalist Rauf Mirqədirovun işi üzrə dindiriblər.

Yunus özü jurnalistlərə hüquqlarının pozulduğunu bildirib.

“Ayaq üstdə güclə dayanıram. Dünən axşam saat 11-dən ayaq üstdəyəm. Bir sutkadan çoxdur ki, yatmamışam. Hətta tualetə polis nəzarəti altında getmək məcburiyyətində qaldım”, deyən Yunus bunu işgəncə kimi qiymətləndirib.

O bildirib ki, indi axtarış üçün SDİ-nin ofisinə gedir.

Axtarışın hansı əsaslarla aparıldığı haqqında suala cavabda o deyib ki, heç bir əsas yoxdur.

“Onlar hər şeydə qanunu pozurlar, hər dəqiqə pozurlar. Məndən ölkəni tərk etməmək haqqında iltizam almayıblar, amma ölkədən çıxmağa icazə vermədilər, pasportumu əlimdən aldılar”, deyə Yunus bildirib.

Nədə ittiham olunduğu haqqında suala cavabda o deyib: “Nədə ittiham olunduğumu başa düşmədim. Onlar nədəsə təqsirli olduğumu demirlər. Deyirlər ki, “sən Rauf Mirqədirovla dostluq edirdin?”. Əlbəttə, edirdim”.

Hakimiyyətin motivləri haqqında danışan Yunus deyib: “Əsas vəzifə Azərbaycanda son hüquq müdafiəçisini məhv etməkdən ibarətdir. Onlar axmaq ittiham irəli sürərək, hüquq müdafiəçisi kimi bizi, yaxşı jurnalist kimi Rauf Mİrqədirovu məhv etmək şansı əldə ediblər”.

Ofisdə axtarış üçün order təqdim edilib-edilmədiyi barədə suala cavabda Yunus deyib: “Heç bir order yoxdur. “Nə istəyiriksə. onu da edirik””.

Hazırda SDİ-nin ofisində axtarış başlayıb. -1606D-

*   *   *

2014 Aprel 29 (Çərşənbə axşamı) 16:08:58

Sülh və Demokratiya İnstitutunun (SDİ) direktoru Leyla Yunusun Baş Prokurorluğun Ağır Cinayətlər üzrə İstintaq İdarəsində 9 saatdan çox dindirilməsi başa çatıb.

Prokurorluq binasından çıxarkən Yunus bildirib ki, vəkili ilə birlikdə SDİ-nin ofisinə gedir, burada axtarış həyata keçiriləcək. O, başına gələnləri işgəncə kimi qiymətləndirib. “Bu, işgəncədir. Mən artıq neçə saatdır ayaq üstdəyəm. Mənə hətta su içməyə, tualete getməyə imkan vermirlər”, deyə Yunus bildirib.

O, xeyli yorğun görünürdü. -16D-

*   *   *

2014 Aprel 29 (Çərşənbə axşamı) 09:08:18

Sülh və Demokratiya İnstitutunun (SDİ) direktoru Leyla Yunus saat 7:00-da Baş Prokurorluğun Ağır Cinayətlər üzrə İstintaq İdarəsinə dindirməyə aparılıb. Ötən gün axşamdan keçmiş SDİ rəhbəri ilə birlikdə saxlanılan həyat yoldaşı Arif Yunus isə insultqabağı vəziyyətlə xəstəxanaya yerləşdirilib.

  Onlar Dəkkəyə yola düşməzdən əvvəl saxlanılıblar. Oradan Parisə, sonra Brüsselə Aİ-nin himayəsilə ilə keçirilən tədbirə gedəcəkdilər.

  Hava limanında axtarış zamanı cütlüyün notbukları və vərəqələrdəki qeydləri götürülüb. Axtarışa vəkil Xalid Bağırov buraxılmayıb.

  Saat 03:00-a yaxın  evdə axtarış aparmaq üçün onları evə götürüblər.

L.Yunus axtarış üçün qapını açmaqdan imtina edib və deyib ki, vətəndaş cəmiyətinin fəalları iştirak edərsə yalnız o zaman qapını açacaq. O deyib ki, hüquq-mühafizə orqanlarına etibar etmir, çünki onlar mənzilə nəsə qoya bilərlər.

  Öz növbəsində hüquq-mühafizə orqanlarının nümayəndələri hədə-qorxu gəliblər ki,əgər qapını açmasa sındıracaqlar.

  Sonra ev sahibini qapını açmağa razı salmağa çalışıblar. Bildiriblər ki, “bu, sadəcə formal proseduradır”. Mənzilə hüquq-mühafizə orqanlarından və vətəndaş cəmiyyəti fəallarından 5 nəfərin daxil olması müzakirə edilib.

 Lakin saat 4:00-a yaxın Arif Yunusun halı pisləşdiyindən və o, xəstəxanaya aparldıqdan sonra SDİ rəhbəri danışıq aparmaqdan imtina edib və bildirib ki, qapını sındırsalar o, axtarışda iştirak etməyəcək.

 Saat 7:00-a yaxın L.Yunusa Baş Prokurorluğun Ağır Cinayətlər üzrə İstintaq İdarəsinə dindirməyə getmək təklif olunub.

 O, vəkil Xalid Bağırovun və SDİ-nin hüquqşünasının müşayiətilə ora gedib.

  SDİ ofisində axtarışa gəlincə, bu haqda səhih məlumat yoxdur. Gecə ofisi polis əməkdaşları əhatəyə alıblar. Amma gecə ofisdə işıq yandığından demək ki, hüquq-mühafizə orqanlarının əməkdaşları ora daxil olublar. Çünki SDİ əməkdaşlarını ora buraxmazdılar.

  Güman edilir ki, Arif və Leyla Yunuslar Ermənistanın xeyrinə casusluqda ittiham olunaraq həbs edilən jurnalist Rauf Mirqədirovun işi ilə əlaqədar saxlanılıblar. Belə ki, R.Mirqədirov SDİ-nin Ermənistanın vətəndaş cəmiyyəti üzrə tərəfdaşları ilə həyata keçirdiyi layihələrdə iştirak edirdi.

  Qeyd edək ki, A.Yunus ötən həftə də hipertonik böhran vəziyyətində xəstəxanaya aparılmışdı.

 L.Yunus özü də şəkərli diabetin ağır formasından əziyyət çəkir. 

*   *   *

2014 Aprel 29 (Çərşənbə axşamı) 00:44:20

Vəkil Xalid Bağırovu  Bakı hava limanında Leyla və Arif Yunusun yanına buraxmayıblar.

Amma Arif Yunus özü həmkarlarına zənq vurararaq bildirib ki, hələlik hava limanındadırlar və onların çantaları yoxlanılır. Onları saxlayanlar sırasında MTN, prokurorluq və hava limanının işçiləri var.  

*   *   *

2014 Aprel 28 (Bazar ertəsi) 23:37:49

  Tanınmış  hüquq müdafiəçisi Leyla Yunus həyat yoldaşı  Arif Yunus ilə birlikdə   aprelin 28-də axşamdan xeyli keçmiş Bakı hava limanında Doxaya  gedərkən saxlanılıb. Doxadan onlar Parisə sonra isə Brüsselə AB-nin dəvətilə  tədbirə getməli idilər.

Sərhədi keçərkən onlara ölkəni tərk etmələrinin qadağan olduğunu bildiriblər.

Amma Leyla və Arif Yunusu müşayət edən Qərb diplomatları – Fransa səfiri və Amerika səfirinin müavini prpezident administrasiyasının müavini Novruz Məmmədovla danışdıqdan sonra, onları sərhəddən buraxmışlar. Amma, sonradan təyyarəyə minərkən yenidən saxlamışlar.

Leyla Yunus telefonla bildirmişdir ki, 4 nəfər mülkü geyimli şəxs videoçəkilişlə onları dindirmək istəyib, amma o vəkilsiz suallara javab verməkdən imtina edib.

Təxminən 23.30 onlara saxlanıldıqlarını bildiriblər. Onlara bildiriblər ki, əvvəl çantaları, sonra isə ofis və mənzillərində axtarışlar aparılajaq. Hava limanına vəkil Xalid Bağırov yollanıb.—06D--