Qarabağ əlili İ.Rəsulov: Qazilər üçün tikilən mənzillər satılır
Bakının Qaradağ rayon sakini, Qarabağ müharibəsinin II qrup əlili İsmayıl Rəsulov məmur özbaşınalığına etiraz olaraq çərşənbə günü RATİ-də mətbuat konfransı keçirib.
İ.Rəsulov Qarabağ əlili olaraq mənzil almaq üçün 2002-ci ildən Qaradağ rayonunda növbədə olduğunu deyib. Bu müddət ərzində 3 bina tikilsə də, İ.Rəsulov mənzil ala bilməyib. Onun sözlərinə görə, sonuncu, 2010-cu ildə tikilən bina 9 mərtəbəli 81 mənzilli olub. Növbədə 41-ci şəxs olsa da, yenə də İ.Rəsulov mənzil ala bilməyib. Onun sözlərinə görə, mənzil ala bilməməsinin səbəbi mənzillərin Qarabağ əlilləri adına tikilsə də, kənar şəxslərə satılması ilə bağlıdır. Qarabağ əlili bununla bağlı hüquq-mühafizə orqanlarına müraciət etdiyini də nəzərə çatdırıb.
Mənzil problemilə bağlı aidiyyatı orqanlara olan müraciətlərinə İ.Rəsulov “gələcəkdə nəzərə alınar” və s. kimi başdansovdu cavablar verilməsinə də diqqət çəkib. Qarabağ əlili Qarabağ müharibəsində fərari olanlara mənzil verildiyi halda əsl qazilərin haqlarının tapdandığını bildirib. -05C-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz