Bakı/03.08.18/Turan: Cari ilin əvvəllərindən ölkə ərazisindəki meşələrdə 19 yanğın qeydə alınıb, bu barədə cümə günü keçirilən mətbuat konfransında Ekologiya Nazirliyinin departament direktoru Hikmət Əlizadə bildirib. Nəticədə 700 hektardan çox meşə ərazisi yanıb.
Ən böyük yanğınlar Şabran, Oğuz, Yardımlı, Ağdaş, Lənkəran, Xaçmaz, Xızı və digər rayonlarda baş verib.
Meşə yanğınlarının səbəblərinə gəlincə, ekologiya nazirinin müavini Firdovsi Əliyev bunun təqsirini vətəndaşların üzərinə qoyub. Onun qiymətləndirməsinə görə, meşə zonasında yanğınların 97%-də insanlar təqsirkardır.
O, öz rəyini ölkənin relyefi ilə izah etməyə çalışıb. Ölkə meşələrinin 85%-i dağlarda, 15%-i isə aran ərazilərdədir. Dağlıq zonada meşələrin öz-özünə yanması mümkün deyil, deyə Əliyev bu qənaətə gəlməsinin səbəbini izah edib.
İndiyədək hüquq-mühafizə orqanları meşə yanğınlarına görə heç kimi məsuliyyətə cəlb etməyib. Ekologiya Nazirliyi də meşə yanğınlarında təqsirli olan konkret şəxsləri və ya təşkilatları göstərməyib.
Qeyd edək ki, bütün dünyada olduğu kimi, Azərbaycanda da hər il yay quraqlığı zamanı meşə yanğınları baş verir. Hava nə qədər qurudursa və temperatur nə qədər yüksəkdirsə, meşələrdə yanğınlarda o qədər tez-tez və çox baş verir. -02D-
Cəmiyyət
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
Rəy yaz