Açiq mənbələrdən foto.
Bakı/02.04.21/Turan: Təhsil Nazirliyinin qərarı ilə aprelin 5-dən Bakı, Sumqayıt, Gəncə, Şəki şəhərləri və Abşeron rayonunun ümumi təhsil müəssisələrində tədrisin əyani forması dayandırılacaq. Təhsil Nazirliyi bunun səbəbini mövcüd pandemiya şəraiti ilə əsaslandırıb.
Bəs digər sahələrdə qapanmaya ehtiyac varmı?
Səhiyyə Nazirliyinin İctimai Səhiyyə və İslahatlar Mərkəzinin şöbə müdiri Nabil Seyidov Turan-a bildirib ki, müvafiq sərtləşdirici tədbirlər Operativ Qərargahın qərarından asılıdır. “Epidemioloji vəziyyəti nəzərə alaraq, müvafiq dərəcədə qərarlar qəbul edilə bilər”.
Tibb elmləri üzrə fəlsəfə doktoru Vasif İsmayıl deyib ki, hələlik hər sahədə qapanmaya ehtiyac yoxdur. “Əgər biz ikinci dalğanın rəqəmlərinə baxsaq, o vaxt aktiv xəstələrin sayı 60 mini keçəndə qapanmaya gedilmişdi. İndi isə aktiv xəstələrin sayı 20 mini keçib və bizim, hələ ki, müəyyən vaxtımız var”.
Ekspert qeyd edib ki, hələlik kollektiv immunitet haqqında danışmaq tezdir. “Azərbaycanda rəsmi məlumatlarda 1 milyona yaxın insan yoluxduğu göstərilir, amma əslində 2-3 milyona yaxın insan yoluxub. 290 min nəfər isə vaksinasiyanın iki mərhələsindən keçib. Ona görə də Azərbaycanda immunizasiya olunmuş insanların sayı, hələ ki, azdır və bu, o deməkdir ki, ölkədə epidemiya ciddi şəkildə davam edir”.
Mütəxəssisin sözlərinə görə, ölkədə əhalinin immunizasiyası 60 faizdən yuxarı deyilsə, hətta peyvənd vurulmuş insanlar belə yoluxa bilər.
İqtisadçı Natiq Cəfərli “AzadlıqRadiosu”na bildirib ki, qapanmalar özünü doğrultmayıb.
“Azərbaycan hökümətinin qapanma ilə bağlı hər hansı uğurlu statistik rəqəmlərini görməmişik. Sanki virusun öz alqoritmi, yoluxmanın dalğaları var və dünyada yoluxma halları artdıqca bizdə də proses buna paralel gedir. Yoluxmaların sayının artmasının qapanma ilə əlaqəsi olduğu bəzən ciddi şübhə altına düşür”.
Ekspert hesab edir ki, ictimai nəqliyyatın hərəkətinin məhdudlaşdırılması heç bir fayda vermir. -0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz