Bakı/07.05.18/Turan: Mayın 7-də ictimai fəal Fatimə Mövlamlını Azərbaycanın Qazax rayonundakı Sınıqkörpü sərhəd-keçid məntəqəsindən Gürcüstana buraxmayıblar.
F.Mövlamlı Turana bildirib ki, sərhəd-keçid məntəqsində onun ölkədən çıxışına Daxili İşlər Nazirliyinin İnsan Alverinə Qarşı Mübarizə Baş İdarəsi tərəfində "stop" qoyulduğunu deyiblər.
"Mən qara ciyərimdən müalicə olunmaq üçün Gürcüstana gedirdim. Burada dedilər ki, İnsan Alverinə Qarşı Mübarizə Baş İdarəsi mənim ölkədən çıxışıma "stop" qoyub. Dedilər ki, Bakıya qayıdım, sabah mayın 8-də İnsan Alverinə Qarşı Mübarizə Baş İdarəsində izahat yazdıqdan sonra ölkədən çıxışıma qoyulmuş qadağa götürüləcək. Hazırda Bakıya qayıdıram. Ölkədən çıxışıma qoyulmuş qadağa tam əsassızdır, mənim barəmdə hər hansı cinayət işi yoxdur", o qeyd edib.
Fatimə Mövlamlının bu il martın 31-də yoxa çıxması ilə bağlı məlumat yayılıb. O yalnız aprelin 5-də tapılıb və sonradan DİN Baş mütəşəkkil cinayətkarlıqla mübarizə idarəsində saxlanıldığını bildirib.
"Məni Bakıda "Diktatoru Tanıdaq" aksiyasını keçirdiyim üçün oğurlamışdılar. Mən onların hədə qorxularına baxmayaraq həqiqətləri açıqladım. Məni şərləyib, guya əxlaqsızlıqla məşğul olduğumu boynuma qoymaq istəyirdilər. Amma oradakı bütün sorğuların yalnız bir mövzusu var idi: siyasi fəaliyyətim!" Fatimə Mövlamlı azad edildikdən sonra aprelin 14-də bildirib.
Hüquq mühafizə orqanları baş verənlərlə bağlı hələ şərh verməyib.-03B06--
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz