![�Gənclər Qarabağ münaqişəsinin dinc yolla nizamlanması uğrunda� yeni vətəndaş təşəbbüsü təsis edilib](https://turan.az/resized/media/2017/main/070700002913-750-500-resize.webp)
�Gənclər Qarabağ münaqişəsinin dinc yolla nizamlanması uğrunda� yeni vətəndaş təşəbbüsü təsis edilib
Bakı/07.07.17/Turan: "Gənclər Qarabağ münaqişəsinin dinc yolla nizamlanması uğrunda" yeni vətəndaş təşəbbüsü təsis edilib. Qurum əvvəllər Aİ-nin "Şərq tərəfdaşlığı" proqramı çərçivəsində sülhməramlı layihələrdə iştirak edən bir qrup gənc tərəfindən yaradılıb.
Layihədə Azərbaycan və Ermənistandan gənclər, Dağlıq Qarabağın Azərbaycan və erməni icmalarının nümayəndələri iştirak edirlər.
Təsisçilərdən biri Ermənistan-Azərbaycan münaqişəsinin dinc yolla nizamlanmasına nail olunmasında sosial medianın fəaliyyətinin araşdırılması proqramına görə Ulov Palme adına Mərkəzin təqaüdünə layiq görülüb. Bu barədə Turan-a Helsinki Vətəndaş Assambleyasının həmsədri və onun milli komitəsinin rəhbəri Arzu Abdullayeva bildirib.
A.Abdullayeva ilə yanaşı ekspertlər qismində proqrama vətəndaş cəmiyyətinin nümayəndələri Zərdüşt Əlizadə, Əli Abbasov, İradə Bağırova və başqaları cəlb edilib.
Proqram çərçivəsində münaqişənin işıqlandırılması və ona münasibət, münaqişə barədə məlumatların araşdırılması üçün KİV-lərin, sosial şəbəkələrin, İnternet-nəşrlərin monitorinqi keçiriləcək.
Alxanlı kəndində baş verən son hadisələr, azyaşlı qızın və onun nənəsinin ölümü sosial şəbəkələrdə münaqişə mövzusunda "yeni partlayış"a səbəb olub.
Proqram iştirakçıları bu cür hadisələrin ictimai rəyə, belə faktlarla manipulyasiyaya, münaqişələrin inkişafına təsirinin monitorinqini keçirəcəklər.
"Əlbəttə, balaca Zəhranın və onun nənəsinin ölümü onların ailəsi üçün böyük faciə oldu, bütün Azərbaycan xalqını sarsıtdı", - A.Abdullayeva bildirib.
O, diqqəti ona yönəldib ki, hər dəfə münaqişənin nizamlanmasına dair mühüm danışıqlar ərəfəsində münaqişə zonasında vəziyyət gərginləşir.
"Odur ki, cəmiyyətlər sülh prosesinin pozulmasının kimə sərfəli olduğunu bilməlidir", - A.Abdullayeva iyulun 11-də Azərbaycan və Ermənistan XİN rəhbərlərinin görüşünə işarə edərək deyib.
"Görünür, müəyyən güc mərkəzləri, bizim yaxın qonşular nizamlanma ilə başqalarının, əsasən Qərb strukturlarının məşğul olmasını istəmirlər, odur ki, bu cür eskalasiya baş verir. Əlbəttə, bu, mülki əhalinin atəşə tutulmasına görə məsuliyyəti aradan qaldırmır və günahkarlar öz cəzasını almalıdır", - A.Abdullayeva vurğulayıb.
Ancaq onun fikrincə, cəmiyyət də sülhə aparan yolda maneələrin aradan qaldırılmasına yardım etməlidir. Etibarlı, davamlı və uzunmüddətli sülhə zəmanət münaqişənin siyasi nizamlanmasıdır. Status-kvo-nun saxlanması maraqlı tərəflərin hər zaman müharibə alovunu qızışdırması üçün fürsətdir. -06B-
-
- Siyasət
- 7 İyul 2017 15:18
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz