BakI/05.06.19/Turan: Demokratik Təşəbbüslər İnstitutunun ekspertlər qrupu (İDİ) "Azərbaycanda LGBT hüquqları" başlıqlı hesabat yayıb.
Hesabatda bu sahədə olan problemlər, mövcud qanunvericilikdəki çatışmazlıqlar və problemin həllinə dair təkliflər yer alıb.
Hesabatın icmalında qeyd olunur ki, Beynəlxalq Lezbiyan, Gey, Biseksual, Trans və İnterseks Assosasiyası (ILGA) 2018-ci ildəki problemlərlə bağlı açıqlama yayıb.
Açıqlamada deyilir ki, Azərbaycan Avropada LGBT+ fərdlərinin həyat şəraiti və hüquqlarının ən pis vəziyyətdə olduğu ölkədir və LGBT+ cəmiyyəti hələ də ifadə, birləşmək və ifadə azadlığından tam istifadə edə bilmirlər: "Qeydiyyatdan keçmiş LGBT+ qeyri-hökumət təşkilatı mövcud deyil. Eyni zamanda LGBT+ fərdləri təhsil, məşğulluq, hərbi xidmət məsələlərində ciddi şəkildə diskriminasiya və ictimai qınaq ilə üzləşirlərlər. Xüsusilə, transgender şəxslər ölkədə cinsiyyətlərini dəyişə bilmirlər və lazımı hormonal müalicəni almaq imkanından məhrumdurlar. Bu hal isə onların iş imkanlarını əhəmiyyətli dərəcədə məhdudlaşdırır".
ILGA hesab edir ki, LGBT+ fərdləri nə cəmiyyət nə də ki ailə daxilində qəbul olunurlar: "Onlar ailə üzvlərinin qınaq və şiddətindən qorxduqları üçün ağır psixoloji travmalar altında ikili həyat yaşamağa, çox vaxt isə "normallaşdırma" adı altından digər cinsdən biriylə evlənməyə məcbur olurlar. Cəmiyyət içində tam maariflənmə yoxdur. Əksər post-sovet ölkələrində olduğu kimi, Azərbaycanda da homoseksualizm çox problematik bir məsələdir".-0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz