![Namiq Cəfərli](https://turan.az/resized/media/2017/main/082100004113-750-500-resize.webp)
Namiq Cəfərli
infoaz.org saytının rəhbəri DTX-ya çağırılıb (YENİLƏNİB)
Jurnalisti DTX-ya yazılarına görə çağırıblar
Bakı/21.08.17/Turan: "infoaz.org" saytının rəhbəri Namiq Cəfərli bu gün, avqustun 21-də Dövlət Təhlükəsizlik Xidmətində yazılarına görə, soğru-sual edilib.
Bu haqda jurnalistin özü DTX-dan çıxdıqdan sonra Turan-a bildirib.
"Dövlət Təhlükəsizlik Xidmətinə çağırılmağım rəhbəri olduğum saytda yayımış bəzi yazılarla bağlı idi. Həmin yazılara müəyyən iradlarını bildirdilər", deyən jurnalist həmin yazılar barədə detallı danışmayıb. Bununla belə, o, qeyd edib ki, DTX təmsilçilərinə müzakirə mövzusu olan yazıların məzmunu ilə bağlı öz arqumentlərini də təqdim edib.
N.Cəfərli DTX-da onunla normal rəftar edildiyini qeyd edib.
"Mənə qarşı hər hansı təzyiq olmadı. Normal şəkildə yazılar barədə fikir mübadiləsi apardıq", jurnalist bildirib.--0--
* * *
2017 Avqust 21 (Bazar ertəsi) 22:40:23
infoaz.org saytının rəhbəri DTX-ya çağırılıb
Bakı/21.08.17/Turan: Ötən həftə bloklanan infoaz.org saytının rəhbəri Namiq Cəfərli Dövlət Təhlükəsizlik Xidmətinə (DTX) çağırılıb. Bu haqda jurnalistin özü məlumat verib.
N.Cəfərli deyib ki, ona telefon edərək bazar ertəsi saat17:00-da DTX-da olmasını bildiriblər, amma çağırışın səbəblərini açıqlamayıblar.
Ötən cümə günü isə N.Cəfərli Baş Prokurorluğa çağırılıb. Onun sözlərinə görə, buna prezidentin köməkçisi Əli Həsənov və hakimiyyətdaxili mübarizə haqda yazdığı yazı səbəb olub. Yazı ilə bağlı jurnalistə rəsmi xəbərdarlıq edilib.
Həmin gün onun rəhbərlik etdiyi sayt Azərbaycan ərazisində bloklanıb.
Bu gün N.Cəfərli Nəqliyyat, Rabitə və Yüksək Texnologiyalar Nazirliyinə müraciət edib.-05B-
-
- Maliyyə
- 21 Avqust 2017 17:15
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz