İnsan alveri ilə bağlı filmin təqdimatı

Bazar ertəsi “Diplomat” otelində “İnsan alveri nədir” sənədli filminin təqdimat mərasimi kçeirilib.

Filmin sifarişçisi olan Qadın Krizis Mərkəzinin rəhbəri Mətanət Əzizova filmin çəkilşinə Amerika Hüquqşünaslar Assosiasiyasının böyük dəstəyi olduğunu bildirib. Bu filmin insan alveri ilə bağlı ilk sənədli film olmasına diqqət çəkib. Film bir tərəfdən maarifləndirmə məqsədi daşıyır, digər tərəfdən isə adamlara hansı hallarda insan alverinin qurbanı ola biləcəkləri ilə bağlı xəbərdarlıq edir.    

Hüquqşünaslar Assosiasiyasının təmsilçisi Robert Steere filmə dəstək verdiklərindən məmnun olduğunu deyib. O, insan alverini insanlığın faciəsi adlandırıb. Filmin çəkilişində məqsədin insanları maarifləndirmək səyləri ilə belə faciələrin qarşısını almaq olduğu deyilib. Adətən insanların “varlı həyat” illüziyalarının onları alver qurbanına çevirdiyi xüsusi vuğrulanıb. Çəkiliş qrupunun bu tip film hazırlaması cəmiyyətin insan alveri qurbanlarının taleyinə biganəliyin olmaması kimi dəyərləndirilib. 

Çəkiliş qrupunun rəhbəri Elcan Məmmədli filmdə çəkilişə razılıq verən insan alveri qurbanlarına təşəkkür edib. Cəmiyyətdən və həyatdan küskün bu insanlarla təmas qurmağın problemlərindən danışıb. Bəzən bu insanlar keçmişdə yaşadıqları əzab,  iztirab, işçəncələri yada salaraq mənəvi olaraq yaşamamaq üçün danışmaqdan imtina ediblər. Çəkilişdə saatlar, bəzən günlərlə fasilələr yaranıb. 

Daha sonra film nümayiş etdirlib. Bu və ya digər səbəblərdən insan alverinin qurbanları durumuna düşənlər özləri faciələrini anladırlar. Onların arasında kişilər də, qadınlar da var. Yaş baxımından da fərqlidirlər. Amma taleləri fərqli deyil. Hamısında da alver qurbanı olmalarının süjeti eynidir: insanlar böyük pullara sahib olmaq istəyirlər, hansısa vasitəçilərə aldanırlar, sənədləri əllərindən alınır, illərlə qul əməyinə, cinsi istismara, işgəncələrə məruz qalarlar. Sonda isə ya insan alveri edən mütəşəkkil dəstənin ifşası, ya da xoş təsadüf üzündən əsarətdən xilas ola bilirlər. 

Filmdə daha maraqlı bir məqam uşaqların əmək istismarına məruz qalmasıdır. Bu uşaqları özgələr yox, yaxınları, anaları, qohumları istismara məruz qoyurlar. Beləliklə, məktəbli olmalı uşaq dilənçiyə, məcburi əməyin istismar etdiyi varlığa çevrilir. 

Krizis Mərkəzinin psixoloqu Azad İsazadə bu kateqoriya insanların psixikasına ciddi zədə dəyməsinə diqqət çəkib. Onların yenidən cəmiyyətə adaptasiya olunmaları kimi problemi yaşadıqlarını deyib. Cəmiyyəti bu kateqoriya insanlara həssaslıqla yanaşmağa çağırıb. İnsanların müxtəlif vədlər altında insan alverinin qurbanı olmamaları üçün belə flmlərin gələcəkdə də çəkilməsinin zəruruliyini qeyd edib.-05C-