2013-cü ilin dövlət büdcəsi təsdiq edildi

Prezident İlham Əliyev 2013-cü ilin dövlət büdcəsini təsdiq edib. 

Gələn il büdcənin gəlirləri (ARDNF-dn transfertlərsiz) 7 mlrd 780 mln manat proqnozlaşdırılır. Xərclər bir qədər artırılıb. 

Dövlət və hökumət aparatının xərcləri 1 mlrd 804 mln 593,43 min manat (Maliyyə Nazirliyinin proqnozu ilə müqayisədə +2 mln 555,93 min) olacaq. İcra hakimiyyəti 290,8 mln, o cümlədən dövlət başçısının administrasiyası 62,01 mln və ya 21,3% xərcləyəcək. Qalan vəsait 60 xidmət, nazirlik və təşkilatlar arasında bölünəcək. Milli Məclisin fəaliyyətinə 19,26 mln manat, MSK-ya 54 mln 358,76 min manat, 2013-cü ilin prezident seçkilərinə 44,72 mln manat ayrılıb. Naxçıvana dotasiya 277,7 mln manatdır. 

 Müdafiə xərcləri 1 mlrd 528,58 mln manat olacaq. Məhkəmə, prokurorluq və hüquq mühafizə orqanları 1 mlrd114,8 mln manat (+33 mln manat) xərcləyəcək. Təhsilə 1 mlrd 530,48 mln (+117 min), səhiyyəyə 669,25 mln manat (+3 mln manat) ayrılıb. 

 Sosial müdafiə və sosial təminata 1 mlrd 813,58 mln manat (+ 20,8 mln) yönəldilib, DSMF-nin xərcləri 1,08 mlrd təşkil edəcək. Əmək Nazirliyinə 444,22 mln, Qaçqınkoma 212,85 mln ayrılıb. 

 Mədəniyyət, incəsənət və informatikaya 289,73 mln manat, kommunal xərclərə 399 mln manat (yerli büdcıəələrin xərcləri üstünlük təşkil edir), kənd təsərrüfatı və ekologiyaya 494,3 mln manat yönəldiləcək. 

 Xərclərin çoxu sənaye, tikinti və hasilata yatırımdır - 6 mlrd 915,2 mln manat. Nəqliyyat və rabitəyə 111,68 mln qoyulacaq. Bunun 71,43 mln-u nəqliyyatın inkişafına yönəldilir (29,24 mln metropolitenə subsidiya, 10 mln AZAL QSC-yə). İqtisadi İnkişaf Nazirliyi  275,78 mln manat mənimsəyəcək. Bunun çoxu (150 mln) SKMF-yə, 40 mln AİF-in nizamnamə kapitalı artımına, 35 mln “Aqrolizinq”ə ayrılır. 

Əsas nomenklaturaya daxil olmayan xidmətlər üzrə xərclər 2 mlrd 881,62 mln manatdır (Maliyyə Nazirliyinin proqnozundan 190 mln az). Prezidentin və hökumətin ehtiyat fondları 690 mln manat, əhalinin Əmanət Bankındakı əmanətlərinin ödənilməsi xərcləri 500 mln, Maliyyə Nazirliyinin ehtiyatları 518,94 mln, FHN-in xərcləri 140 mln manat, beynəlxalq tədbirlərin keçirilməsi xərcləri 50 mln, aztəminatlı vətəndaşlara yardım 20 mln manat, xarici və daxili borca xidmət xərcləri 780,69 mln manatdır. 

Vergilər Nazirliyinin xətti ilə mədaxil 6 mlrd 400 mln manat (proqnozdan 15,3% artıq) olacaq. Bunun 2 mlrd 640 mln manatı neft sektorundan mədaxildir. ARDNŞ-dən mədaxil 1,49 mlrd, podratçıların mənfəət vergisi 1,15 mlrd manat olacaq. 

Qeyri-neft sektorundan vergi həcmi 15,4 % artaraq 3 mlrd 760 mln manata çatacaq. 

Gömrük Komitəsinin xətti ilə gəlirlər 1 mlrd 380 mln manat (12,1% artım) olacaq.

2013-cü ilin büdcəsində neftin 1 barreli $100-dan hesablanıb. Fərman yanvarın 1-dən qüvvəyə minir. --17D—