Rüsumun 36 faiz olacağı gözlənir.
İşadamı mobil telefonların bahalaşacağını güman edir
Fevralın 15-dən etibarən Azərbaycana şəxsi istifadə üçün gətirilən mobil telefonlardan yeni gömrük rüsumu tutulacağı bildirilir. Üstəlik, gömrük orqanı telefonun qeydiyyatını aparmalıdır.
Dövlət Gömrük Komitəsindən (DGK) "Turan"a bildirilib ki, Nazirlər Kabinetinin 2013-cü il oktyabrın 14-də verdiyi qərara əlavəyə əsasən, xaricdən gətirilən mobil telefon cihazları mütləq şəkildə gömrük orqanına bəyan edilməlidir: "Bu müddəa qanunvericilikdə hər zaman olsa da, bir çox şəxslər buna əməl etməyib. Bu səbəbdən də bu halların qarşısı alınacaq".
DGK-dan qeyd olunub ki, ölkəyə gətirilən mobil telefonların IMEI qeydiyyatı aparılarkən sadələşdirilmiş gömrük bəyannaməsinin verilməsi şərti yaranacaq.
Əlavə olunub ki, bəyannamə yazılı, yaxud elektron köşklər, eləcə də e.customs.gov.az portalı və ya "Smart Customs" mobil tətbiqi vasitəsilə elektron qaydada gömrük orqanına təqdim edilə bilər: "Gömrük sərhədindən keçirilən mobil telefonun bəyan edilməməsi isə, öz növbəsində, inzibati məsuliyyət yaradır".
Komitədən bildirilib ki, dəyərindən asılı olmayaraq ölkəyə gətirilən bütün mobil cihazlar gömrük orqanlarda bəyan edilməlidir: "Vətəndaşın özü ilə gətirilən telefonun dəyəri 800 dollardan, onlayn sifariş vasitəsilə isə ölkəyə gətirilən mobil telefonun dəyəri 300 dollardan artıq olduqda gömrük rüsumu ödənilməlidir. Rüsum yalnız məbləğin artıq hissəsindən ödənilir. Yəni, vətəndaş özü ilə dəyəri 900 dollar telefonu gətirirsə, 800 dollar çıxılır və rüsum yalnız yerdə qalan 100 dollardan ödənilir".
Rəqəmsal İnkişaf və Nəqliyyat Nazirliyindən də bildirilib ki, fevralın 15-dən fiziki şəxslərin ölkəyə şəxsi istifadə məqsədilə gətirdiyi və gömrük orqanlarında bəyan edilməyən mobil telefonların IMEI nömrəsi qeydiyyata alınmayacaq.
Rüsumun 36 faiz olacağı gözlənir.
İqtisadçı, işadamı Nazim Bəydəmirli isə AzadlıqRadiosuna bildirib ki, bu qərar birmənalı olaraq monopolist şirkətlərin maraqlarına xidmət edir: "Elektron ticarət zamanı vergisiz alış-veriş məbləğinin 300 dollara salınması da bu məqsədlər üçündür. Bütün bunlar vətəndaşa deyil, monopolist şirkətlərə xidmət edir".
Onun sözlərinə görə, bu, izah ediləsi durum deyil: "Adətən hökumətin atdığı addımlar, məcburən rüsumların, ödənişlərin vətəndaşlardan toplanması onların vəziyyətinin daha da pisləşməsinə gətirib çıxarır. Azərbaycanda süni qiymət artımını yaradan elə dövlət qurumlardır".
İqtisadçının fikrincə, sözügedən qərardan sonra ölkədə mobil telefonların qiyməti bahalaşacaq.
-
- İqtisadiyyat
- 8 Fevral 2023 15:42
-
- Maliyyə
- 8 Fevral 2023 16:20
Cəmiyyət
-
Sentyabrın 27-də Azərbaycanda Anım Günü qeyd olunur. Həmin gün 44 günlük İkinci Qarabağ müharibəsi başlayıb. Azərbaycan hökuməti həmin savaşda və ötənilki birgünlük hərbi əməliyyatlar nəticəsində ölkənin ərazi bütövlüyünün təmin edildiyini açıqlayıb.
-
Şənbə günü, sentyabrın 28-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək. Havanın temperaturu gecə 15-19° isti, gündüz 22-26° isti olacaq, xəbəri Milli Hidrometeorologiya Xidməti yayıb.
-
Milli Hidrometeorologiya Xidmətinin məlumatına görə, sentyabrın 28-i gündüzədək bəzi rayonlarda qeyri-sabit hava şəraitinin davam edəcəyi, fasilələrlə yağış yağacağı, şimşək çaxacağı gözlənilir. Naxçıvanda, Kiçik və Böyük Qafqaz dağlarında, həmçinin mərkəzi aran zonasında yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
-
Bu gün, sentyabrın 26-da Nyu-Yorkda Azərbaycan və Ermənistan xarici işlər nazirlərinin sülh danışıqları ilə bağlı görüşü gözlənilir. Görüş ABŞ dövlət katibi Antoni Blinkenin iştirakı ilə baş tutmalıdır. Dövlət katibi BMT Baş Assambleyasının illik sessiyası çərçivəsində Nyu-York mehmanxanasında nazirləri bir araya gətirməlidir. Bu, E.Blinkenin onlarla üç ayda ABŞ ərazisində ikinci üçtərəfli görüşü olacaq. Üç diplomat sonuncu dəfə bu il iyulun 10-da Vaşinqtonda keçirilən NATO sammiti zamanı bir araya gəliblər.
Xaricdən gələn təhlükələrə qarşı necə mübarizə aparmalı?- Əhməd Əlili Çətin sualda
Xəbər lenti
-
- Siyasət,
- 10:29
- 772
Rəy yaz