Turan İnformasiya Agentliyinin rəhbəri M.Əliyevin saxta vergidən yayınma, vəzifə səlahiyyətlərindən sui-istifadə və qanunsuz sahibkarlıq ittihamlarıyla həbs edilməsi, bank hesablarının dondurulması agentliyin ictimaiyyət üçün əvəzolunmaz fəaliyyətini mümkünsüz edib. Ölkənin yeganə müstəqil informasiya agentliyinin qapadılması ilə ölkədə azad sözü, tənqidi fikri yerli və beynəlxalq ictimaiyyətə çatdıran informasiya məkanı daha da daralıb.
Vahid Siyasi Məhbus Siyahısı üzrə İşçi Qrupun Mehman Əliyevin həbsi və Turan İnformasiya Agentliyinin işini dayandırması ilə bağlı bəyanatında belə deyilir. Qrup bu olaydan hiddətini ifadə edir.
"M.Əliyevin həbsi, Turan İA-nin bağlanması Azərbaycan hökumətinin insan haqları və azadlıqlar məsələsində güzəştə getmək fikrində olmadığının növbəti dəfə ultimativ nümayişidir. M.Əliyevin həbsi ilə ölkədə siyasi məhbusların sayı hiddət doğuran həddə çatıb. Bu həbslə İşçi Qrupun araşdırmalarının yekunu olaraq təsdiqlədiyi siyasi məhbusların sayı ən azı 158-ə yüksəlib. Onlardan 10-u jurnalist və bloggerlərdir", bəyanatda deyilir.
Son olayı pisləyən Qrup BMT, Avropa Şurası, ATƏT, Avropa Birliyi, Dünya Bankı və digər beynəlxalq təşkilatlardan tələb edib ki, avtoritar Azərbaycan hökuməti ilə danışıqlarda və işbirliyində insan haqları və demokratiya məsələsindən alver predmeti kimi istifadə edilməsinə, vətəndaş cəmiyyətinə qarşı repressiyalara göz yumulması siyasətinizə son qoyulsun.
"Biz, Avropa Şurasının Parlament Assambleyasından, Nazirlər Komitəsindən Azərbaycanda siyasi məhbuslarla bağlı məsələnin həllində süründürməçiliyə son qoymağı və ölkədəki ağır duruma adekvat addımlar atmağı tələb edirik. Sizin laqeydliyiniz repressiv hökuməti ölkədə vətəndaş cəmiyyətinin fəaliyyəti üçün müstəvini daha da daraltmağa təşviq edir. Biz, ABŞ və Avropa Birliyi ölkələri hökumətlərini Azərbaycanda insan haqlarına qarşı cinayətlər törədən şəxslərə qarşı ünvanlı sanksiyaları tətbiq etməyə çağırırıq", bəyanaytda vurgulanır.
İşçi Qrup həmçinin beynəlxalq maliyyə institutlarını ölkədə vətəndaş cəmiyyətinin normal fəaliyyətinə şərait yarananadək Azərbaycanın həyata keçirdiyi beynəlxalq və yerli xarakterli iqtisadi layihələrə dəstəyi dayandırmağa çağırırıb.
"Beynəlxalq maliyə qurumları göstərəcəyi yardıma şərt olaraq, Azərbaycan hökumətindən özünün insan haqları və azadlıqları ilə bağlı öhdəliklərinə əməl etməsini, bütün siyasi məhbusları azadlığa buraxmasını, vətəndaş cəmiyyətinə basqılara son qoymasını və onların normal fəaliyyəti üçün şərait yaratmasını tələb etməlidirlər".-0-
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz