Bakı/07.12.17/Turan: İctimai fəal, "Gündəm-xəbər" qəzetinin bölgə müxbiri, həbsdə olan Məhbub Zülfüqarov dekabrın 6-da azadlığa çıxıb. Bu haqda hüquq müdafiəçisi Oqtay Gülalıyev məlumat verib.
M.Zülfuqarlı 14 saylı cəzaçəkmə müəssisəsində saxlanılırdı: "Məhbub bəy dünən azadlığa çıxıb. O, cəzasını çəkib, başa vurub", -hüquq müdafiəçisi bildirib.
Xatırladaq ki, M.Zülfüqarov İmişlidə yaşayır. O, böhtanda günahlandırılaraq 5 ay müddətinə azadlıqdan məhrum edilmişdi.
M.Zülfüqarovu "Azərbaycan Standartlaşdırma İnstitutu" Publik Hüquqi Şəxsin Cənub Ərazi İdarəsinin direktoru Saleh Səmədov məhkəməyə vermişdi. Səbəb jurnalistin Heydər Əliyev Fonduna və hüquq-mühafizə orqanlarına S.Səmədovdan şikayət yazması olub.
İmişli məhkəməsi jurnalisti Cinayət Məcəlləsinin 147.2-ci (ağır və ya xüsusilə ağır cinayətdə ittiham etməklə böhtan atma) maddəsi ilə təqsirli bilərək, 5 aylığa azadlıqdan məhrum etmişdi.
M.Zülfüqarov hüquq- müdafiə təşkilatları tərəfindən "siyasi məhbus" kimi tanınırdı. -05B-
Cəmiyyət
-
Azərbaycana İrandan gətirilən bəzi şirniyyatlarda GMO (genetik materialı dəyişdirilmiş orqanizmlərə verilən addır) aşkarlanıb. "Qida təhlükəsizliyi haqqında" Qanuna görə, qeydiyyatdan keçməyən genetik modifikasiya olunmuş yem məhsullarının istehsalı, emalı, dövriyyəsi qadağandır. Qeydiyyata alınması üçün həmin məhsullar həyat və sağlamlığa zərərli olmamalı, istehlak xüsusiyyətləri ilə bağlı istifadəçilər aldadılmamalıdırlar.
-
Ölkədə qış mövsümündə havaların soyuq keçməsi ilə əlaqədar mövsümi xarakter daşıyan respirator virus infeksiyalarına yoluxma hallarının artması müşahidə olunur. Bununla əlaqədar adaptasiya dövründə olan gənc əsgərlərin sağlamlığının qorunması məqsədilə hərbi hissələrdə onlarla görüşə müvəqqəti məhdudiyyət qoyulub. Bu barədə Müdafiə Nazirliyi məlumat yayıb.
-
Yanvarın 17-də Bakıda hava tutqun olacaq, səhər və axşam yağıntı gözlənilir. Şimal-qərb küləyi cənub-şərq küləyinə keçəcək.
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
Rəy yaz