Jurnalistə qarşı məhkəmənin hazırlıq iclası təxirə salınıb
Bakı/07.06.19/Turan: İyunun 7-də Bakının Nəsimi Rayon Məhkəməsində hakim Babək Pənahovun sədrliyi ilə Səhiyyə Nazirliyi qarşısında təkbaşına aksiya keçirən Teymur Kərimova qarşı iddia üzrə hazırlıq iclası başlayıb.
Səhiyyə Nazirliyi Teymur Kərimova qarşı Cinayət Məcəlləsinin 147.2-ci (böhtan) maddəsi ilə cinayət işi qaldırılması iddiası ilə Nəsimi Rayon Məhkəməsinə müraciət edib.
Vəkillərin Səhiyyə Nazirliyinin hüquqi şəxs olaraq fiziki şəxsi xüsusi ittiham qaydasında məhkəməyə verə bilməməsi ilə bağlı qaldırdığı vəsatətdən sonra hakim hazırlıq iclasını iyunun 10-dək təxirə salıb.
Teymur Kərimov Turan-a bildirib ki, dünəndən anasının səhhəti kəskinləşib.
"O, hazırda reanimasiya şöbəsinə yerləşdirilib. Həkimlər ümid qalmadığını deyir", deyə o qeyd edib.
Teymur Kərimov jurnalistdir, internet saytlarının birində işləyir. O, mayın 18-də Səhiyyə Nazirliyi qarşısında təkbaşına keçirdiyi aksiya zamanı dediyi sözlərə görə məhkəməyə verilib.
"Anam onkoloji xəstədir və xəstəxanada ona lazım olan dərmanlar və reaktivlər vaxtlı-vaxtında verilmir, rüşvət alırlar. Ona görə aksiya keçirmişəm. Rüşvət vermişəm ki, demişəm. Anama görə məcbur olub rüşvət vermişəm. Axırda pulum qurtardı, gördüm dərmanları ala bilmirəm. Spirtdi, bintdi, reaktivlərdir, bunların heç biri verilmir. Axırda 500 manat lazım idi ki, gedib anam üçün dərman alım. Bunun üçün mən gedib Səhiyyə Nazirliyinin qarşısında paltarlarımı satışa çıxarıb aksiya etdim. Mən doğru olanı demişəm", deyə jurnalist qeyd edib.
Bu gün məhkəmənin qarşısına çoxsaylı insanlar, o cümlədən onkoloji və şəkərli diabet xəstələri toplaşıb. Onlar səhiyyə sistemində rüşvət hallarının olmasını və xəstələrə pulsuz verilməsi nəzərdə tutulan dərmanların vaxtında verilməməsini iddia ediblər.
"Hərbi xidmət əliliyəm. Həyat yoldaşım da əlildir. Hər birimiz 130 manat pensiya alırıq. Məndən də pul istəyirlər", deyə məhkəməyə gələn insanlardan biri bildirib.
"Teymur Kərimov düz deyir. Səbail rayonunda şəkərli diabet xəstələri hər ayın 1-də dərman almaq üçün saat 5-dən növbəyə dururlar. Bu, biabırçılıqdır", deyə bir qadın qeyd edib.
Bakının Binəqədi rayonunun 7-ci mikrorayonunun sakini deyib ki, şəkərli diabet xəstəsi deyib ki, xəstələrə dərmanları yalnız bir aptekdəki bir pəncərədən verirlər.
"60-70 nəfər şəkərli diabet xəstəsi gəlir orada növbədə əsəbləşir, dava edib, gedir. Sonra dərmanları apteklərdə satdırılar", deyə o qeyd edib.
Səhiyyə Nazirliyi Teymur Kərimovun dediklərini təkzib edib. Nazirliyin yaydığı məlumatda Kərimovun anasına edilən müalicələrin pullu olması barədə iddia əsassız adlandırılıb.
"Bu adamın nazirliyə qarşı irəli sürdüyü ittihamlar tam əsassızdır və həqiqətə uyğun deyil. Xəstənin müalicə kursları müasir protokollara uyğun olaraq aparılır. Protokola daxil olan preparatlar innovasion dərman preparatlarıdır".
Mətbuat xidməti qeyd edib ki, institut bu preparatlarla Dövlət proqramı çərçivəsində tam təmin olunur. -03B-
-
- Maliyyə
- 7 İyun 2019 13:25
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz