Bakı/23.08.17/Turan: Lerik rayonunun Vivəzəmin kənd sakini Mehdi Mirzəzadə ailə üzvlərinin qətlində şübhəli bilinərək həbs edilib, bu barədə ölkə DİN və Baş Prokurorluğunun birgə məlumatında deyilir.
Avqustun 22-də saat 05.20-də Mirzəzadə Daxili İşlər Nazirliyinin "102-Zəng Xidməti" Mərkəzinə zəng edərək atası Elman Hüseynovun yaşadıqları evi yandırdığını, habelə anası Şükufəni və bacısı Süsəni öldürmək istədiyini bildirib.
Hadisə yerinə hüquq-mühafizə orqanlarının işçiləri gəlib. Yanğın söndürüldükdən sonra mənzildən Mirzəzadənin atasının, anasının və qızının yanaraq tanınmaz hala düşmüş meyitləri aşkar edilib.
İlkin araşdırma zamanı Mehdi Mirzəzadə izahatında həmin gün səhər radələrində atasının bıçaqla anasını və bacısını vurduğunu, Elman Hüseynovun ona da xəsarət yetirməyə cəhd göstərsə də həyətə qaçdığını, sonda isə evi yandırmaqla atasının intihar etdiyini göstərib.
İstintaq zamanı müəyyən olunub ki, ailə mübahisəsi zəminində ata Elman Hüseynov həyat yoldaşını və qızını öldürüb. Mehdi Mirzəzadə bunun şahidi olub və özü dəfələrlə atasının boynuna bıçaq xəsarəti yetirib.
Bundan sonra o, evi yandırıb və bunda atasını ittiham edib.
Mirzəzadə həbs edilib, istintaq dava edir, deyə məlumatda bildirilir.
Amma bu məlumatdan ata və oğulun soyadlarının fərqli olmasının səbəbi aydın deyil. -02D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz