Фото из открытых источников
Bakı/01.09.18/Turan: Avqustun 28-də Azərbaycanın cənubunda Lerik rayonunda baş vermiş zəlzələ nəticəsində təxminən 150 evə ziyan dəyib. Bu barədə Turan-a Lerik rayon administrasiyasının sosial-iqtisadi inkişafın təhlili və proqnozlaşdırılması şöbəsinin müdiri Qabil Məlikov bildirib.
Onun sözlərinə görə, 37 evə böyük ziyan dəyib, bu evlərdə böyük çatlar əmələ gəlib. Ümumilikdə 75 kənddə evlərə ziyan dəyib. FHN və rayon icra hakimiyyəti nümayəndələrindən ibarət komissiya işə başlayıb və evlərə baxış keçirir. Hələlik ziyanın tam ölçüsünün hesablanması prosesi yekunlaşmayıb. Yaxın günlərdə yekun məlumat verilməsi gözlənilir. Xatırladaq ki, ilkin olaraq 120 evə ziyan vurulduğu bildirilirdi.
*Avqustun 28-də yerli vaxtla saat 17:00 radələrində Lerikdə episentrdə gücü 5.1 bal olan zəlzələ baş verib. Ətraf rayonlarda 4-3 bal gücündə yeraltı təkanlar hiss olunub. -05B06-
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz