Media-icmal 07.11.20

“Azərbaycan” qəzeti “Azərbaycanın ərazi bütövlüyü tam təmin ediləcək” sərlövhəli məqalədə hərbi əməliyyatların gedişini dəyərləndirir.

Müəllif deyir ki, Azərbaycana ordusunun cəbhə uğurları davam edir. İkinci Qarabağ müharibəsi Azərbaycan ordusunun qələbələri ilə davam edir, erməni tərəflər hərbi məğlubiyyətlər alır: “Füzuli, Cəbrayıl, Zəngilan, Qubadlı işğaldan azad olunub, Tərtər və Xocavənd istiqamətlərində işğalçının mövqeləri yarılaraq yaşayış məntəqələri düşmənlərdən təmizlənib” deyə bildirlir.

Müəllif əlavə edir ki, digər tərəfdən dövlət başçısı İlham Əliyev xarici mətbuata müsahibələrilə Azərbaycan həqiqətlərini dünyaya çatdırır və buna görə də sentyabrın 27-dən sonra dünya erməniliyi Azərbaycana qarşı diplomatik cəbhənin yaradılmasına nail ola bilmədi.

Müəllif vurğulayır ki, Azərbaycan 30 ilə yaxın danışıqlar prosesinə sadiq qaldı, problemin sülh yolu ilə həllinə çalışdı, amma Ermənistan öz mövqeyilə buna imkan vermədi.

Müəllif deyir ki, müharibə indi də dayana bilər, bunun üçün Ermənistan Azərbaycan tərəfə işğal altında qalan ərazilərdən qoşunlarını nə vaxt çıxaracağı barədə qrafik verməlidir.

Müəllif deyir ki, indi isə hərbi əməliyyatlar davam edir və Azərbaycan ordusu Ermənistan tərəfi məğlubiyyətə düçar edərək Azərbaycan ərazilərindən sıxışdırıb çıxarır və ərazi bütövlüyünü təmin edir.

“Müsavat.com” saytı “Qonşu ölkələrin valyutası ucuzlaşır: manat, “möhkəm dayan” sərlövhəli məqalədə müəllif qonşu dövlətlərin milli valyutalarının ucuzlaşması fonunda manatın pespektivini dəyərləndirir.

Müəllif deyir ki, Türkiyədə son günlərdə 1 dollar 8,52 TL,1 avro 9,97 TL həddinə yüksəlib. Rusiyada isə 1 avro 94 rubl, 1dollar isə təqribən 81 rubl həddindədir.

Gürcüstanda isə 1 dollar 3,3409lari müəyyən edilib, avro da bahalaşmaqdadır.

Bu fonda ekspertlər bildirirlər ki, ilin sonuna qədər manatın məzənnəsində hər hansı dəyişiklik olacağı gözlənilmir, amma manata təsiri barədə fikrilərini də bildirirlər.

İqtisadçı ekspert Natiq Cəfərli deyir ki, manatın sabitliyi inzibati yolla təmin edilir, indiki pandemiya, karantin və müharibə dövründə bu addım başa düşüləndir və bunun əksi başa düşülən ilmazdı.

Amma bununla birgə iqtisadçı hesab edir ki, manat daim belə sabit saxlanıla bilməz, çünki bu halda qonşu ölkələrin milli valyutalarının dəyərdən düşməsi Azərbaycanı həmin ölkələrin istehsalçılarının sponsoruna çevirir: “Artıq ölkə daxilində istehsalın mənası qalmır, xaricdən gətirmək daha sərfəli hal alır”.

Ekspert hesab edir ki, ilin sonuna doğru hökumət manatın məzənnəsi ilə bağlı ciddi düşünməli olacaq: “Ümumilikdə, hazırkı dövrdə devalvasiyaya getmək o qədər də doğru və anlaşılan olmaya bilər, ancaq gələcəkdə bununla bağlı qərarların verilməsinin zamanı yetişir. İlin sonunda hökumət və Mərkəzi Bank bununla bağlı ciddi düşünməlidir. Çünki gələn ilin büdcə parametrlərində də kifayət qədər ciddi dəyişikliklər olacaq. Azad etdiyimiz torpaqların bərpası ilə bağlı xərclərimizin artması gözlənilir. İndiki sabit məzənnə rejimi və manatın ətraf ölkələrdəki valyutalar qarşısında belə baha olması uzun müddət davam etdirilə bilən bir məsələ deyil”.

“Sfera.az”  saytı “İrəvan Bakının bu təklifinə razı olsaydı…” – Qarabağda durum dəyişir” sərlövhəli məqalədə politoloqlar hərbi əmliyyatlar fonunda vəziyyəti dəyərləndirirlər.  

Politoloqlar bəyan edirlər ki, xarici jurnalistlərin prezident İlham Əliyevə ən çox verdiyi sual Bakının Dağlıq Qarabağa hansı status verəcəyi ilə bağlı olur. Azərbaycan prezidenti bu məsələnin müzakirəsinin erkən olduğunu bildirir.

Onların deməsinə görə, dövlət başçısı hər dəfə bu məsələnin müzakirəsinin hələ erkən olduğunu bildirir.

Amma politoloqlara görə, hələlik aydın olan budur ki, rəsmi Bakı bundan sonra Dağlıq Qarabağda yaşamaq istəyən ermənilərə yüksək statuslu muxtariyyət verməyəcək.

Onlar vurğulayırlar ki, 27 illik danışıqlarda Bakı Dağlıq Qarabağa yüksək muxtariyyət statusu verəcəyini vəd edirdi, amma bu danışıqlar nəticə vermədi.

Yada salınır ki, hazırda Azərbaycan ordusu böyük əraziləri işğaldan azad edir, erməni separatçıları anlayırlar ki, onlar məğlub olacaqlar və heç bir dövlət onlara kömək etməyəcək”.

Politoloqlar hesab edirlər ki, Dağlıq Qarabağda ermənilərin sayı az olsa, bu bölgəyə aşağı statuslu muxtariyyətin verilməsi də lazım olmayacaq: “Azərbaycanın digər bölgələrinin hansı statusu varsa, Dağlıq Qarabağın da eyni statusu olacaq” deyə bildirirlər.