![Açiq mənbələrdən foto.](https://turan.az/resized/750/500/resize/media/2021/main/052600033356.jpg)
Açiq mənbələrdən foto.
“Mətbuat.az” saytında“Operativ Qərargahdan yüz minlərlə işsizi sevindirəcək qərar” sərlövhəli məqalədə qəbul olunan qərarlar dəyərləndirilir.
İqtisadçı-ekspert Eldəniz Əmirov toylarla bağlı qadağaların yumşaldılmasının müsbət iqtisadi təsirləri olacağı düşüncəsindədir.
Onun fikrincə, bu qərardan sonra iqtisadi aktivlik artacaq və bununla bağlı digər sahələrdə də fəallıq müşaiyət olunacaq: “Onsuz da insanlar bu məqsədlə pul yığıblar və həmin pullar dövriyyədən çıxarılaraq “yastıqaltı” pullara çevrilib”, deyə ekspert bildirir.
O, əlavə edir ki, bu sahədə dövriyyə həcmi artdıqca, bununla bağlı digər sahələrdə də fəallıq yaranacaq.
Ekspertə görə, ilk növbədə işsizliyin azalması olacaq, şadlıq saraylarında işləyənlərin sayı ilə bağlı dəqiq statistika olmasa da, 10 minlərlə insanın iş yerinin yenidən fəaliyyətə başlayacağını söyləmək olar. Bu isə on minlərlə ailə deməkdir. Əmirov həm də belə düşünür ki, bu xidmət sahəsi dolayısı ilə bağlı olan gözəllik, bərbərxana xidməti və s. canlandıracaq, vergi yığımı artacaq,
“Yeniavaz.com” saytında “Sosial layihə adı altında aztəminatlı tələbələrə qarşı dələduzluq edilir?” sərlövhəli məqalədə bəzi tələbələr “Azərbaycan Diplomatiya Mərkəzi”nin təşkil etdiyi “Gücümüz həmrəyliyimizdir” layihəsinə qoşulduqlarını, lakin layihə təşkilatçısının imzalanan protokolda qeyd olunan məbləği müxtəlif bəhanələrlə ödəmədiyini iddia edirlər.
Gəncə Dövlət Universitetinin III kurs tələbələri Ülkər Əliyeva və Bəsti Əliyeva təhsil xərclərinin bir qisminin ödənilməsi üçün “Azərbaycan Diplomatiya Mərkəzi”nin təşkil etdiyi “Gücümüz həmrəyliyimizdir” layihəsinə qoşulduqlarını, lakin layihə təşkilatçısının imzalanan protokolda qeyd olunan məbləği müxtəlif bəhanələrlə ödəmədiyini iddia edirlər.
Ü.Əliyevanın sözlərinə görə, “Azərbaycan Diplomatiya Mərkəzi” “Gücümüz həmrəyliyimizdir” layihəsinə başlayan zaman təhsilhaqqının 50 faizini ödəyəcəklərini elan etsə də, daha sonra bu məbləğ 3 dəfəyədək azaldılıb.
“Dedilər ki, sizin ikinci yarımillik üçün təhsilhaqqınız, yəni 900 manat ödəniləcək. Lakin biz protokol imzalayan zaman, göstərilirdi ki, sadəcə 300 manat ödəniləcək. Aprel ayında ödənilməli olan 300 manat hələ də ödənilməyib.
Ü.Əliyeva bildirib ki, layihədə iştirak etmək üçün iki dəfə protokol imzalayıb və hər dəfə 39 manat rüsum ödəyib.
“Yenisbah.az” saytında isə “Göyçayda pomidor qiyamı: Sərhəddəki tıxac və inhisarçılıq aksiyaya səbəb oldu” sərlövhəli məqalədə Göyçayda fermerlər məhsullarını satışa çıxara bilmədikləri üçün çətinliklə üzləşdiklərindən bəhs edirlər.
Müəllifin sözlərinə görə, pomidor ixrac edən fermerlər bu çətinliyə etiraz olaraq Göyçayın Ləkciplaq kənd inzibati ərazisində toplaşıblar, məhsullarının alıcısız qaldığını deyiblər. Kəndlilər bunun səbəbini məhsullarını Rusiya bazarına çıxara bilməmələri ilə izah ediblər.
Onların sözlərinə görə, istixanalardan toplanan məhsulları yerli bazarlarda satıb qurtarmaq mümkün deyil, məhsul boldur.
Pandemiyaya görə şadlıq evlərinin, kafe-restoranların, dönərxanaların və digər obyektlərin fəaliyyət göstərməməsi üzündən daxili alıcılar yox səviyyəsinə enib. Rusiya tərəf məhsulları alsa da Azərbaycan-Rusiya sərhəddini keçmək 10-15 günə başa gəlir, məhsullar yararsız hala düşür və geri qaytarılır.
Fermerlərə görə, ötən il bir yük avtomobili Rusiyaya 1500 dollara gedirdisə, indi bu rəqəm 4000 dollara qalxıb.
-
- Sual-cavab
- 26 May 2021 00:52
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz