![Media-icmal 30.04.2016](https://turan.az/resized/media/2016/main/043000154535-750-500-resize.webp)
Sahibkarlıq və jurnalistika münasibətləri, bankların durumu, Qarabağ münaqişəsi ətrafında araşdırmalar bugünki medianın aparıcı mövzusudur.
İş adamları mediadan niyə qaçırlar?
“Azərbaycan” qəzeti iş adamları və jurnalistika münasibətlərini araşdıran “Sahibkar mətbuatdan qaçır, yoxsa jurnalist onu qovur?” sərlövhəli məqalə dərc edib.
Məqalədə iş adamlarının jurnalistika ilə konstruktiv əməkdaşlığı olmadığı etiraf edilir. Dünyada isə bu iki təbəqə arasında sıx münasibətlər sistemi mövcud olduğu vurğulanır. Bu mənada KİV sahibkarı cəmiyyətə tanıdan, bazara girişini asanlaşdıran, rəqabətə davam gətirmək üçün ona dəstək verən vasitə kimi dəyərləndirilir.
Azərbaycanda iş adamlarının qapalılığına toxunulur: “Təəssüf ki, müasir iş adamları qapalıdırlar. Üzə çıxmağı xoşlamır, ünsiyyətə maraqlı deyil, qəzetlərdə reklama ehtiyac duymur. Halbuki, bazar reallıqları, bazar rəqabəti hər bir sahbkarı məhsulunu təşviqə, tanıtmağa, müştərilərinin sayını artırmağa sövq edir”.
Müəllifə görə, bu qapalılığa səbəb də var: “Bürokratik əngəllər, qədərsiz yoxlamalar, haqsız yerə incidilmək özünütəcridlə nəticələnir. İş adamı onu yoxlayan orqanların özbaşınalığından açıq şəkildə şikayət etməyə cəsarət belə edə bilmir. Onun üçün hər-hansı bir məsələni ictimailəşdirməkdənsə kiminsə “bığının altından keçmək” daha məqbuldur”.
Məqalədə çıxış yolu kimi aşağıdakı məqam təklif edilir: “Bu gün sahbikar və jurnalist iqtisadiyyatın, bütünlükdə cəmiyyətin inkişafı üçün eyni istiqamətə, eyni məqsədə doğru birlikdə getməlidirlər. İdeyaların, perspektivlərin və problemlərin açıq şəkildə müzakirəsi tərəqqiyə təkan verən, onu sürətləndirən ən ciddi amildir”.
Banklar şikayətə hazırlaşırlar
“Azadlıq” qəzeti Mərkəzi Bankla Maliyyə Nazirliyi arasındakı ziddiyyətlərin ölkənin bank sektorunu çökdürəcəyini bildirir. “Hakimiyyət daxilində növbəti oliqarx savaşı” sərlövhəli məqalədə bu məsələ araşdırılır. Qeyd edilir ki, bu savaşın kökündə nazirliyin bu ilin fevralından buraxdığı istirqazlar durur.
Məqalədə deyilir: “Azərbaycanda fəlaiyyət göstərən banklar ölkə başçısı İlham Əliyevə və Mərkəzi Bankın rəhbəri Elman Rüstəmova müraciət etməyə hazırlaşırlar, belə ki, bu istiqrazları bank sektoruna zərbə sayırlar”.
İstiqrazların bank sektoruna zərbə olması isə belə izah edilir ki, istiqrazlara dövlət təminat verir, əmanətlərin təminatçısı isə banklardır. Belə olan halda potensial bank müştərilərinin əmanətlərini banklara qoymaqdansa istiqraz almağa üstünlük verəcəyi açıq görünür. Daha bir səbəb kimi buradakı faizlər məsələsi göstərilir. Banklar əmanətlərə 12% gəlir təklif edir, istiqrazlarda isə gəlir 17%-dir.
“Bu da vətəndaşların banklara marağının itməsinə, bankların əmanətsiz qalmasına səbəb olan amildir”. Bu məsələ həm də iki qurum arasında baş qaldıran ziddiyyətlərin təzahürü sayılır.
Ziddiyyətin ikinci devalvasiyadan sonra baş qaldırması, buna səbəb isə nazirliyin sərt, bankın yumşaq devalvasiya tərəfdarı olması göstərilir. “Devalvasiya sərf edir, qiymət artır, vergi yüksəlir, büdcəni doldurmaq asanlaşır”. Bu halda isə banklar itirir, əhali manat dəyərdən düşdüyünə görə banklara pul qomaq riskinə getmir. Ölkədəki manat qıtlığı, valyuta alqı-satqısının azalması da bundan qaynaqlanır. Bu vəziyyətdən çıxmaq üçün buraxılan dövlət istiqrazları isə banklara daha bir zərbə hesab edilir.
Rusiya şərti: Azərbaycan Avrasiya İttifaqına daxil osa...
“Yeni Müsavat” qəzeti “Həll modelini Azərbaycan əsgəri deyəcək” sərlövhəli məqalədə Qarabağ münaqişəsi ətrafında yaranan yeni situasiyanı təhlil edir. Qarabağ cəbhəsindəki 2-5 aprel əməliyyatlarından sonra Ermənistan
rəhbərliyinin irəli sürdüyü şərtlər, Kremlin məsələyə münasibəti əsas araşdıma hədəfidir. Məqalədə deyilir ki, Ermənstan torparları boşaltmaq istəmir, Kreml isə bu məsələdə Ermənistana dəstək verir. Erməni tərəfin insidentlərin araşdırılması mexanizminin hazırlanması, ünvanlı bəyanat, Dağlıq Qarabağ əhalisinin təhlükəsizliynə təminat şərtləri məqalədə belə dəyərləndirilir: “Göründüyü kimi, bu şərtlərin hər üçü erməni tərəfin Azərbaycan torpaqlarında əvvəlki status-kvo-nu saxlamasına yönəlib”.
Rusiyanın mövqeyini isə Kremlin Avrasiya İttifaqı layihəsi liderlərindən Aleksandr Duqin belə ifadə edir: “Əgər Azərbaycan və Ermənistan Avrasiya Birliynə inteqrasiya xəttini əsas tutsa, o zaman Rusiya münaqişənin həllilə bağlı fəal iş apara, onun aradan qaldırılması yolları təklif edə bilər. Ermənistan bunu edib, Azərbaycan da bunu etsə o halda nəsə edə bilərik”. Moskvanın bu yanaşması Azərbaycanı Avropa və Türkiyədən qoparma cəhdi adlandırılır. Amma burada son sözü xalqın və Azərbaycan əsgərinin deyəcəyi vurğulanır.
Rəy yaz