Media-icmal 31.08.20

Kür çayında vəziyyət, Rusiyadan gözlənilən cavab, Qarabağ probleminə baxış və s. məsələlər medianın aparıcı mövzuları sırasındadır...

"Azərbaycan" qəzeti "Kür çayının aşağı axınında müsbət tendensiya müşahidə edilir" sərlövhəli məqalədə

Kür çayındakı mövcud vziyyəti dəyərləndirir.

Məüllifin sözlərinə görə, Milli Hidrometeorologiya Xidməti bildirib ki, avqust ayının üçüncü ongünlüyündə yağıntıların aylıq normadan çox olması Kür çayının aşağı axınında səviyyənin artması ilə nəticələnib.

Xidmətdən deyilənə görə, avqustun 23-dən 26-dək səviyyə Kür çayının Surra məntəqəsində 140, avqustun 25-dən 28-dək Şirvanda 146, avqustun 24-dən 28-dək Salyanda 143 santimetr artıb.

Müəllif deyir ki, Salyan və Neftçala rayonları ərazisində Kür çayı üzrə 14 məntəqədən götürülən su nümunələrinin analizi göstərir ki, Salyan rayonu ərazisində Qaraqaşlı məntəqəsində, Neftçala rayonu ərazisində Xocalı, Ərəbqardaşbəyli, Surra, Kürqarabucaq, Qaralı, Dördlər, Xıllı, Qaravəlli, Uzunbabalı, Seyidlər, Bankə qəsəbəsi, Oryad və Mayak 1 məntəqələrində duzluluq 0.5-0,9 qram/litr, yəni norma daxilində olub.

"Azpolitika.info" saytı "Rusiyanın açıqlaması bizi qane etmir - suallarımız açıq qalmaqda davam edir" sərlövhəli məqalədə Prezidentin köməkçisi xarici siyasət şöbəsinin müdiri Hikmət Hacıyevin fikirlərinə yer verilib.

'Ermənistan təcavüzkar dövlətdir. Ermənistan rəhbərliyi Tovuz hadisələrini "qələbə" kimi təqdim etməyə çalışır. Əsas sərhədlərin qorunması, əhalinin təhlükəsizliyinin təmin olunmasıdır". Bunu H.Hacıyev bildirib.

H.Hacıyev deyib ki, son vaxtlar Ernistanın silahlandırılması Azərbaycan ictimaiyyətini, dövlətini narahat edir və dövlət başçısı səviyyəsində bu məsələ RF prezidenti qarşısında qaldırılıb.  

Müxtəlif istiqamətlərdə yüklərin daşınması həyata keçirilir və bu, Azərbaycan ictimaiyyətini narahat edir: "Rusiya tərəfin açıqlamaları bizi qane etmir. Suallarımız açıq qalmaqda davam edir", deyə H.Hacıyev qeyd edib.

Onun sözlərinə görə, Azərbaycan hansı əsaslarla Ermənistanın intensiv şəkildə silahlandırılmasına Rusiyanın aydınlıq gətirməsini gözləyir.

"Guya təyyarələrin tikinti materialları daşıdığı barədə cavab bizi qane etmir. Yük materialları başqa yolla da daşına bilər". 

"Moderator.az" saytı "Kimdir müqəssir və nə etməli?" sərlövhəli məqalədə təhlükəsizlik məsələləri üzrə ekspert İlham İsamyılın düşüncələrinə yer verir.

İ.İsmayıl deyir ki, işğalla bağlı ölkənin vəziyyəti pisdir, mənəvi aşınmalar baş verir, digər tərəfdən isə daxili tənəzzül toplum olaraq xalqı fəaliyyətdən saxlayıb.

"Tovuz hadisələrindəki itkilərin bir gecədə yaratdığı qəzəbli ruhun elə həmin gecə də boğulması ümidsizliyi dərinləşdirən amil oldu. Və son günlər az qala 30 ilə yaxın aparılan, amma heç bir uğur gətirməyən şimala yönəlik siyasətdə növbəti tərs sillənin acısı yalnız düşmənin sevincinə səbəb oldu.

Ekspertə görə, necə ki, cəbhədə deyil, Bakıda hektarlar, yüksək yerlərdə ərazilər zəbt edib beşmərtəbəli villalar tikmək, almaq əsas məqsəd olacaq, Qarabağın nəinki dağlıq, heç düzənliyində də mövqe əldə edə bilməyəcəyik, Tovuz döyüşləri bunu sübut elədi.

Eskpert "nə etməli?" sualına cavab axtaranda deyir ki, problemlərin baş alıb getdiyi dövrlərdə millətin ağıllı şəxsləri, ziyalıları ölkənin taleyi, dövlətin gələcəyi haqqında narahatçılıq keçirir, yaranmış vəziyyətə dair "nə etməli?" sualını verir və çıxış yolları axtarırlar.