![Məmurlar Mehriban Əliyevanın göstərişinə məhəl qoymurlar?](https://turan.az/resized/media/2012/main/070300004456-750-500-resize.webp)
Məmurlar Mehriban Əliyevanın göstərişinə məhəl qoymurlar?
Çərşənbə axşamı Media Mərkəzində keçirilən mətbuat konfransında insan haqlarının kobud şəkildə pozulmasından və məmurların özbaşınalığından danışılıb. Kürdəmir rayonunun Mollakənd kəndinin sakini İftixar Ağayev 2007-ci ildə Xırdalandakı “Azbentonit” zavodunda istehsalat xəsarəti alıb (iş zamanı dörd barmağını itirib).
Xəsarət alan kimi sex rəisi, texniki təhlükəsizlik şöbəsinin müdiri və baş mühəndis onu Topçubaşov adına xəstəxanaya aparıblar və İ.Ağayev əməliyyat olunub. Əməliyyatdan sonra onu evə aparıblar və xəsarətlə bağlı hüquq-mühafizə orqanlarına məlumat verilməyib. Bundan əlavə, İ.Ağayevə hədə-qorxu gəliblər, hətta bir ay hansısa evdə girov saxlayaraq yalnız su və çörək veriblər. Buna baxmayaraq, İ.Ağayev məcburi əsirlikdən yaxasını qurtara bilib.
Bundan sonra “Azbentonit” zavodunun təsisçisi Aydın Məmmədov və icraçı direktor Yasin Xəlilov ona hədə-qorxu gələrək şikayət etsə anası ilə haqq-hesab çəkəcəklərini bildiriblər.
Ona birdəfəlik 700 manat verərək pensiya düzəltməyiblər. Dövlət sosial komissiyasında onu üçüncü dərəcəli əlil qrupuna daxil ediblər və buna görə hər ay 30 manat alıb. Sənədlərdə də qeyd olunub ki, İ.Ağayev istehsalat yox, məişət xəsarəti alıb.
O, istehsalatdan getməli olub, onu yaşıllaşdırma işinə, sonra da mühafizəyə keçiriblər. Lakin 2010-cu ildə akkumulyator oğurluğunda ittiham edərək oradan çıxarıblar.
İ.Ağayev nəqliyyat naziri Ziya Məmmədova (“Azbentonit” şirkəti ona məxsusdur) və ombudsman Elmira Süleymanovaya şikayət edib. Birinci bunun ona aidiyyatının olmadığını, ombudsman isə müdaxilə edə bilməyəcəyini bildirib.
İ.Ağayev Mehriban Əliyevaya teleqram göndərib. 2010-cu ildə M.Əliyeva Z.Məmmədov və E.Süleymanovanın iştirakı ilə onu qəbul edib. “M.Əliyeva onları çağırdı və mənə dedi ki, mən qorxmadan baş verənləri olduğu kimi danışım və mən də bunu etdim. Mehriban xanım Z.Məmmədova dedi ki, məni işə bərpa etsin. O həmçinin qeyd etdi ki, əgər mənə bir şey olsa, Z.Məmmədovu cəzalandıracaq”,- İ.Ağayev bildirib.
Onun sözlərinə görə, işə bərpa olunub, lakin bir il yarımdan sonra qovulub.
Vəkil Tağı Hüseynovun fikrincə, İ.Ağayevə qarşı çoxsaylı qanun pozuntularına və birbaşa cinayətlərə yol verilib. O həmçinin Nazirlər Kabinetinin 2000-ci il tarixli sərəncamını xatırladıb. Sərəncama görə, bütün istehsalat xəsarətləri və bədbəxt hadisələr qeydiyyata alınmalıdır. Zavod rəhbərliyi isə nəinki bu faktı gizlədib, həm də öz əməkdaşını girov götürüb.
Hüquq müdafiəçisi Ələkbər Məmmədov bildirib ki, bu hadisə mütləq ictimaiyyətin müzakirəsinə çıxarılmalıdır. O ölkə prezidentinə, DİN rəhbərinə, baş prokurora, ombudsmana müraciət göndərmək niyyətindədir. -04S-
-
- İqtisadiyyat
- 3 İyul 2012 18:17
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz