Mətbuat-Monitorinq 12.11.15

Rəsmi qəzetlər dövlət başçısı İlham Əliyevin Hərbi Hava Qüvvələrinə aid şəhərcikdə yaradılan şəraitlə tanış olması haqda foto və xəbərləri ilk səhifələrdə yerləşdiriblər.

“Azadlıq” qəzeti “MTN işi” ilə bağlı Dövlət Sərhəd Xidmətinə MTN-in keçmiş şefi Eldar Mahmudovun yaratdığı şəbəkə üzvlərinin ölkədən çıxa bilməmələrini təmin etmək üçün ciddi tapşırıq verilməısini ilk səhifəyə çıxarıb.

İranda Güney Azərbaycan türklərinin təhqirilə bağlı etirazlar davam edir, Güney Azərbaycandan olan deputat Mehdi İsazadə isə günahkarların üzr istəmələrini yetərli saymayaraq cəzlandırılmalarını tələb edib.

Noyabrın 10-da Şəkidə saxlanılan AXCP-nin 3 üzvünə noyabrın 11-də 4 sutka həbs cəzası verilib və hakim qərarı gecə saat 23:00-da elan edib.   

Qəzet bəzi hüquq-mqdafiə qurumlarının siyasi məhbusların yenilənmiş siyahısını hazırladıqlarını bildirir.

Cəmi 20 il öncə qəbul edilən Konstitusiyanın elə ötən 20 ildə az qala bütün maddələrinin dəyişikliyə məruz qalmasına ekspertlər “ədalətin, şəffaflığın, demokratiyanın olmadığı ölkə” şərhini veriblər. 

AXCP sədri Əli Kərimli Rusiya ilə Ermənistan arasında hava hücumundan müdafiə sazişi imzalanmasını Rusiyadan milyardlara alınan raketlərin silah olaraq mahiyyətinin sıfıra enməsi kimi dəyərləndirir, ekspertlər bu sazişi “Azərbaycan üçün təhlükəli qərar” adlandırırlar.

Rusiya mətbuatının Qarabağ münaqişəsinin həllilə bağlı “gizli planın mövcud olması” haqda yazılarını ekspertlər “problemin həlli təşəbbüsünü Rusiyanın əlində saxlamaq istəyi” kimi dəyərləndiriblər.

Qəzet noyabrın 7-də ölkədə 94 milyonluq dollar alınmasını qəzet dolların güclənməsi, manata etimadın daha da azalması kimi qeyd edirlər. Maliyyə məsələləri üzrə ekspertlər bu gün təkcə əmanətlərin deyil, bütünlükdə ölkənin bank sisteminin özünün böyük risk altında olduğu barədə xəbərdarlıq edirlər.

“Ekspress” qəzeti soyuqların düşməsilə isitmə sobalarının işə salınması nəticəsində “dəm qazı”ndan ölüm faktını “səssiz ölüm mövsümü”nün başlaması kimi diqqət mərkəzinə çəkir.

Təhsil Nazirliyi indiyə kimi yalnız dövlət hesabına və dövlət sifarişi üzrə yerlərdə təhsil alan tələbələrin təqaüd aldığını, bundan sonra isə həm də ödənişlə təhsil alan, təhsildə fərqlənən tələbələrin də təqaüd alacaqlarını bildirir.

“Exo” ekspertlərə isnadən miqrantların Azərbaycan büdcəsinə qoyduqları vəsaitlərin ildə 4 milyard manat olmasını, “kölgə iqtisadiyyatı” nəzərə alınmaqla bu rəqəmin bir neçə dəfə çox olduğunu ön plana çıxarıb.

Qəzet ölkədəki iqtisadi durumla bağlı ekspertlərin ölkədə qiymət artımının baş verməsini nəzərə çatdırsa da növbəti devalvasiyanın olmayacağını söyləyirlər.        

“Novoe Vremya” ölkədəki qeyri-sağlam biznes mühiti üzündən dünyada tanınan şirkətlərin Azərbaycanı tərk etməsinə “Azərbaycan iqtisadiyyatından kapital axını” mövqeyini önə çəkib.

“Bizim yol” ABŞ prokurorluğunun haker hücumları ilə bağlı banklardan oğurlanan pulların Bakı və Kiprdə “yuyulması” barədə açıqlamasına “Azərbaycan bankları ilə bağlı sensasiyalı olay” mövqeyini ilk səhifəyə yerləşdirib.

Qəzet Bakıda bir gündə 94 milyon dolların satılmasını “ajiotaj, manatdan imtina, ikinci devalvasiya təhlükəsi” kimim dəyərləndirir.    

İranda Azərbaycan türklərini təhqirə görə etiraz aksiyalarında dini lider Xamneyinin üzr istəməsi tələblərilə bağlı kütləvi həbslərin başlandığı nəzərə çatdırılır.

“Yeni Müsavat” nazir Ziya Məmmədovun var-dövlətini daşıyan gəminin Xəzərdə Rusiya tərəfindən saxlanmasını və gəmidə 17 ton pulu tutması iddiasını önə çəkib.

Qəzetə görə, MTN-in keçmiş şefi Eldar Mahmudova bağlı və hazırda həbsləri davam edən dəstənin ələ keçirdiyi milyardlarla ölçülən vəsaitlərin izini tapmaq üçün ev dustaqlığında saxlandığını bildirir.

Ekspertlər ölkənin makro-iqtisadi göstəricilərini, dünyadakı iqtisadi prosesləri təhlil edərək manatın dəyərdən düşəcəyi proqnozunu veriblər.

Rəy yaz

Cəmiyyət

Navalnının ölümü dünyada hansı daşları tərpədəcək? – Rauf Mirqədirov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti