Ровшан Азизов на уроке
Müəllim Rövşən Əzizov QAT-ın məktəb rəhbərliyinə təzyiq göstərməsi barədə videonu məhkəməyə təqdim edib
Bakı/14.03.18/Turan: Martın 14-də Nizami Rayon Məhkəməsində 220 saylı məktəb-litseyin müəllimi Rövşən Əzizovun iddiası üzrə məhkəmə prosesi davam edib. O, məktəb rəhbərliyini onu qanunsuz işdən çıxarmaqda ittiham edib.
Bu gün R.Əzizov Rusiya mətbuatında dərc edilən videoyazını məhkəməyə təqdim edib. Videoda göstərilir ki, dekabrın 20-də Qarabağ Azadlıq Təşkilatının (QAT) fəalları məktəbə gələrək R.Əzizovun işdən çıxarılmasını tələb edirlər. R.Əzizov şagirdlər arasında azərbaycanlıların və ermənilərin barışması ideyasını təbliğ etdiyinə görə QAT müəllimin işdən çıxarılmasına israr edib.
"Hakim videonu baxılmaq üçün qəbul etdi və yeni iclası sabaha, cümə axşamına təyin etdi", - R.Əzizov Turan agentliyinə bildirib.
Ona hücumlar ötən il dekabrın 20-dən bir həftə əvvəl başlayıb.QAT sosial şəbəkələrdə R.Əzizova qarşı təhdid kampaniyasına başlayıb və onun erməni əsilli olduğunu bildirib. Dekabrın 20-də fəallar direktorun kabinetinə gələrək ona təzyiq göstəriblər, "məktəbdə erməni müəllim tərəfindən erməni təbliğatına son qoyulmasını" tələb ediblər. Direktor tabe olmağa məcbur olub. Dekabrın 26-da o, müəllimə işdən çıxarıldığını bildirib", - R.Əzizov açıqlama verib.
"Qarşı tərəfin mövqeyi belədir ki, R.Əzizov dərs prosesini və əmək intizamını pozub. Ancaq rəhbərlik tərəfindən xəbərdarlıq və töhmət almayıb", - müəllimin ictimai müdafiəçisi, hüquq müdafiəçisi Dilarə Əfəndiyeva bildirib. R.Əzizov deyib ki, məktəb rəhbərliyi onun pozuntuya yol verməsi barədə sübutları məhkəməyə təqdim etməyib.
Bakı Şəhər Təhsil İdarəsindən mətbuata bildiriblər ki, məktəb rəhbərliyi R.Əzizovun fəaliyyətinin və davranışının daxili araşdırmasını aparıb. Müəllimin metodiki-pedaqoji səviyyəsi və davranışı ətraflı öyrənilib. Məktəb rəhbərliyi R.Əzizovun dərs dediyi siniflərdə tədrisin səviyyəsini izləyib və müəllim haqda müvafiq rəy verib. Rəhbərlik bildirib ki, müəllim tədris proqramına əməl etməyib, dərs resurslarından düzgün istifadə etməyib, onun şagirdləri heç bir standartı mənimsəməyiblər. Ancaq Azərbaycan televiziyasının verilişlərində gənc müəllim R.Əzizovun qabaqcıq metodu təşviq edilib. Şagirdlər onun barəsində razılıqla danışıblar. Videoya bax: https://ru.oxu.az/society/236125
35 yaşlı müəllimin vəkili yoxdur. Aylıq müəllim maaşı 250 manatdır. İşdən çıxarıldıqdan sonra üç aydır ki, işləmir. "Ailəmi saxlamağa imkanım yoxdur. Evdə beş yaşlı oğlum böyüyür",- müəllim Turan-a bildirib. -0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz