Azərbaycan Dövlət Neft Akademiyasında baş vermiş terrordan artıq 5 il ötür.
Beş il öncə, 2009-cu il aprelin 30-da ADNA-nın II binasında tələbə və müəllim heyəti güllələnib. Rəsmi məlumatlara görə, Gürcüstanın Marneuli rayonunun Daştəpə kənd sakini Fərda Qədirov 12 nəfəri qətlə yetirib. Qətlə yetirilənlərin siyahısı, müəllimlər Ramiz Abdullayev (1940-cı il), Məcnun Vahidov (1946-cı il), Tamilla Əzizova (1951-ci il), Ayna Qurbanova (1957-ci il), Şəfa Məmmədova (1978-ci il), Taleh Məmmədov (1980-ci il) və tələbələr Yusif Bəndəliyev (1989-cu il), Ceyhun Aslanov (1980-ci il), Emin Abdullayev (1980-ci il), Ruslan Babaşov (1990-cı il), Ayaz Bağırov (1988-ci il) və Savalan Cabbarov (1987-ci il).
Terrorçu əməliyyat zamanı öldürülüb.
Istintaq materiallarına görə, terror aktını Marneuli rayon Şulaver kənd sakini, 1951-ci il təvəllüdlü Mardin Qumaşyan sifariş edib. Amma öz araşdırmalarını aparan bir sıra ekspert və jurnalistlər cinayətdə daxili və xarici izlərin olması qənaətinə gəliblər.Mülahizələrdən birində kütləvi qətlin regionun nüfuzlu ölkələrdən birinin xüsusi xidmət orqanları tərəfindən, digər bir mülahizədə isə hakimiyyətdə olan qruplardan biri tərəfindən törədildiyi iddia edilirdi.
“Yeni Müsavat” qəzetinin müxbiri Tofiq Yaqublunun jurnalist təhqiqatı ittihamların əsassızlığını ortaya qoydu. 2013-cü il “İsmayıllı hadisələri”nə görə uydurma 220.1-ci (kütləvi iğtişaşların təşkili), və 315-2-ci (polis əməkdşalarının həyatına təhlükəli olan zorakılığın tətbiqi) maddələrlə ittiham edilən T.Yaqublu hazırda cəza çəkir.
Xatırladaq ki, rəsmi mülahizəyə görə, F.Qədirov terror aktını guya ermənilərdən alacağı 50 dollara görə törədib. Məlum olan budur ki, F.Qədirov və valideynləri Rusiyada yaşayırdılar, özünün adlandırdığı kimi “qisas əməliyyatı”na hazırlaşırdı.
Bu günsə bu hadisə ilə bağlı hər hansı kütləvi tədbir keçirilməsinin qarşısını almaq üçün polis Neft Akademiyasının binasını mühasirəyə alıb. Ölkə tələbələri bu tarixi hər il yad etsələr də hakimiyyət bunu bəyənmir.-0-
Cəmiyyət
-
Noyabrın 8-i Azərbaycanda Zəfər Günü kimi qeyd edilir. Azərbaycan 2020-ci ildə 44 günlük müharibə və 2023-cü ildə birgünlük hərbi əməliyyatla ərazi bütövlüyünü bərpa edib. Azərbaycan, Ermənistan və Rusiya dövlət başçıları arasında atəşkəs bəyanatı imzalansa da, dörd il keçməsinə baxmayaraq, Bakı və Yerevan hələ də sülh müqaviləsi imzalanmayıb.
-
Şənbə günü Bakıda və Abşeron yarımadasında yağış yağacağı, bəzi yerlərdə intensiv olacağı gözlənilir.
-
Azercell Cup 2024 proqramlaşdırma müsabiqəsinin qalibləri üçün beynəlxalq olimpiadalara hazırlıq dərsləri başlayıb. İnformatika üzrə biliklərinin gücləndirilməsi məqsədilə ümumtəhsil müəssisələrinin 6-cı və 7-ci sinif şagirdləri hazırlıq proqamına cəlb olunublar.
-
Lider mobil operatordan “HONOR” cihazları əldə edən abunəçilərə “SuperSən6GB” tarif paketinə iki aylıq abunəlik hədiyyə Azercell noyabr ayının 8-i Zəfər Gününə özəl kampaniyaya start verir. Kampaniya çərçivəsində "Azercell Eksklüziv" və diller mağazalarından HONOR” smartfonu və ya planşeti əldə edən müştərilərə “SuperSən6GB” tarif paketinə iki aylıq abunəlik həddiyə edilir. Qeyd edək ki, kampaniya 229 AZN-dən başlayan cihazlara şamil olunur.
Rəy yaz