• contact.az Contact
  • Bakı
  • Partly cloudy10.30 C
  • Şənbə, 11 Yanvar 2025
    • flag_EN
    • flag_RU

Son yenilənmə

(29 d. əvvəl)
NHMT: 2013-cü ildə neft sektorunda 6 nəfər ölüb, 33 nəfər xəsarət alıb
A- A A+
Turan İnformasiya Agentliyi
Turan İnformasiya Agentliyi

NHMT: 2013-cü ildə neft sektorunda 6 nəfər ölüb, 33 nəfər xəsarət alıb

2013-cü ildə Azərbaycanın neft sektorunda həlak olmuş işçilərin sayı 6 nəfər olmuşdur. Bu fikri bu gün Neftçilərin Hüquqlarının Müdafiəsi Təşkilatı (NHMT) İctimai Birliyinin sədri Mirvari Qəhrəmanlı Birliyin ötən ilin yekunlarına həsr olunmuş mətbuat konfransındakı çıxışı zamanı səsləndirib.

 
     Onun sözlərinə görə, 2013-cü ildə ölkənin neft sektorunda əmək xəsarəti almış  işçilərin sayı 33 nəfər olub.  Əmək xəsarəti almış və ya peşə xəstəliyinə tutulmuş işçilərə kütləvi artımın tədbiq edilməsi ilə əlaqədar   ARDNŞ, Maersk Şirkəti və RCB (Riqblast) Şirkətinə qarşı Qaradağ, Nəsimi, Səbail Rayon və Bakı Apellyasiya məhkəmələrində, məhkəmə mübahisələri hələ də davam edir.
 
    Ötən il Beynəlxalq Əmək Təşkilatının "İcbari əməyin ləğv edilməsi haqqında" 105 saylı Konvensiyasını və  Əmək Məcəlləsinin 154-cü maddəsinin pozulması yenə də müşahidə olunub.
 
     Hüquq müdafiəçisinin sözlərinə görə, 2 ildən artıqdır ki, “Azərneftyanacaq ”Azəriqaz, Neft Emalı Zavodunun işçiləri,  mütamadi olaraq (iş günü olmayan hər həftənin şənbə və bazar günləri) iməclik (könüllü) adı ilə qanunsuz olaraq işə çağırılırlar və bu zaman onların əmək haqqı qanunvericilikdə nəzərdə tutulan qaydada ikiqat ödənilmir. Işçilər bildirirlər ki, zavodda bununla əlaqədar əmək müqaviləsində nəzərdə tutulan ödənişlər də aparılmır. Bu barədə müraciət edən işçilərə isə bildirirlər ki, bu iməcilik olduğuna görə onlara heç bir əmək haqqı ödənilməyəcək. Daha çox haqqını tələb edən işçilərə isə əmək müqavilələrinə xitam veriləcəyi barədə hədə-qorxu gəlinir. 
 
    Qəhramanlı narahatlıq hissi ilə bildirib ki, BP, Statoyl, Stork, SOCAR CAPE, Maersk, Enermek kimi şirkətlərdə işçilərin həmkarlar ittifaqlarında birləşmə hüququna süni yollarla manelər yaradılması halları davam etməkdədir. Bu kimi şirkətlərdə faktiki olaraq neftçilərin sərbəst formada iclas keçirərək həmkarlar ittifaqı yaratması mümkün deyil.
 
     Hüquq müdafiəçisi diqqəti bir məqama da çəkdi ki, 2013-cü ildə  Dövlət dili haqqında Azərbaycan Respublikası Qanununun 17-ci və 19-cu maddələrinin pozulması halları baş verib. Xarici şirkətlərdə ingilis dilini bilməyən işçilərə qarşı dillə əlaqədar diskriminasiya 
hallarına yol verilir və Azərbaycan dilli işçilərin bilik və peşəkarlığından asılı olmayaraq işə qəbulunda bununla əlaqəda problem yaranır. Xarici şirkətlərdə əmək müqaviləsi istisna olunmaqla, gərgüzarlıq və sənədləşmə işləri Azərbaycan dilində deyil, ingilis dilində aparılır. Xarici şirkətlərdə: əsas və birinci dil ingilis dili, rus dili isə ikinci dil hesab edilir.  Bundan əlavə, ARDNŞ işçilərinin xidməti vəsiqələrində  ARDNŞ deyil, 
 
            SOCAR yazılır. ARDNŞ-nin strukturuna daxil olan inzibati binaların qarşısında ARDNŞ deyil, SOCAR yazılır.  
 
     * Neftçilərin Hüquqlarının Müdafiəsi Təşkilatı (NHMT) İctimai Birliyi 1996-cı ildə Azərbaycanın  neft və qaz sektorunda çalışan insanların hüquqlarının müdafiəsi və ölkənin enerji sektorunda reallaşdırılan layihələr üzərində   vətəndaş cəmiyyətinin nəzarətinin bərqərar olunması məqsədilə neft sektorunda çalışan bir qrup mütəxəssis tərəfindən yaradılıb. --12C--
 

Rəy yaz

Cəmiyyət

Каковы месседжи из последнего интервью Ильхама Алиева и кому они адресованы? - беседа с Аркадием Дубновым


Bizi sosial şəbəkələrdə izləyin

Xəbər lenti