Niyə dövlət təşkilatlarının problemlərində sadə vətəndaşlar günahkardırlar?

“Azərişıq” vətəndaşlardan üç dəfə artıq pul ödəməyi tələb edir

Niyə Azərbaycanda dövlət təşkilatlarının işində istənilən uyğunsuzluq, onların fəaliyyətində istənilən boşluq mütləq sadə vətəndaşlara ziyan verir? Necə olur ki, əslində dəqiq, düzgün qanunlar, idarə qaydaları və təlimatları tətbiq edilərkən dövlət orqanlarına deyil, sadə vətəndaşlara ziyan verir?

Bakı sakini, həyat yoldaşı Telman Əsgərovun Bakı şəhəri, Səbail rayonu, Şahlar Allahverdiyev küçəsi, dalan 3, ev 32 ünvanında yerləşən mənzilində qeydiyyatdan keçmiş Roza Əsgərova Turan Agentliyinə müraciət edib. Bu il yanvarın 9-da onların evində elektrik sayğacı yanıb. Adi bir hadisədir, sayğac da insan kimi bir gün bu dünyadan köçüb getməlidir. “Azərişıq” elektrik paylayıcı şirkətin işi tez bir zamanda usta göndərib köhnə sayğacı yenisi ilə əvəz etməkdir, həm də dövlət hesabına, axı qanunla belə nəzərdə tutulub.

Əsgərovlar dərhal baş verən hadisə barədə elektriklərə məlumat verib. Elektrik yanvarın 15-də gəlib, sıradan çıxan sayğacı söndürüb, elektrik xəttini birbaşa evə bağlayıb. Yanvarın 19-da isə sayğacın texniki cəhətdən yararsız olması barədə akt tərtib olunub. Əlbəttə ki, 4 qış günü Əsgərovlar elektrik enerjisindən istifadə ediblər, həm də sayğac Formula-1 Bakı yarışında avtomobilin təkərləri kimi sürətlə dönürdü. Elektrik abunəçiləri yeni sayğacın quraşdırılmasına görə ödəniş etməyə razılaşdırmağa çalışıb, amma Əsgərovlar qanunları bilirlər və bundan imtina ediblər. Bu barədə Telmanın həyat yoldaşı, Roza jurnalistə danışıb.

Fevralın 2-də isə Əsgərovların evinə elektrik enerjisindən istifadə borcunu göstərən hesab gəlib – düz 120 manat. Ailə ah çəkib! Qışda onlar hər ay 37-40 manat ödəniş ediblər, bu, onların Turan-a təqdim etdikləri ödənilmiş hesablardan görünür. Onlar sayğacları yeni olduğuna görə birdən-birə üç dəfə artıq ödəniş edə bilmirlər, çünki bu qədər vəsait yoxdur, həm də, axı belə olmamalıdır da. Bəs nə etməli?

Turan Agentliyi 199 xidmətinə müraciət edib. Orada nəzakətlə dinlədikdən sonra, üçüncü elektrik enerjisi hesabının 3 dəfə artıq olduğunu təsdiq ediblər və belə hallarda həmişə olduğu kimi, abunəçinin şəxsən şirkətin şikayətlər və araşdırmalar şöbəsinə gəlib yazılı ərizə verməsini məsləhət görüblər. “Ərizə ilə tanış olub məsələyə baxacaqlar və doğru qərar qəbul edəcəklər”, deyə qadın mülayim səslə bildirdi.

“Azərişıq” tərəfindən pozuntu olduğu açıq-aşkar görünürsə, niyə vətəndaş qapı-qapı dolaşıb buna zaman və əsəb sərf etməlidir? – sualı yaranır. Hər şey çox sadədir, qaydalara əsasən, şirkət son aylar orta elektrik enerjisi sərfiyyatını əsas götürməli və mifik deyil, bu rəqəmlər əsasında hesab təqdim etməli idi.

Belə bir sual da yaranır: Əsgərovların şikayəti verildikdən sonra ona uzun müddət baxılacağına görə, təbii ki, ailə elektrik enerjisindən istifadə edəcək, onlara necə hesablar gələcək? Onlara 120 manat kəsilirsə, onlar bunu necə ödəyəcəklər? Elektrik enerjisi hesabı ödənmədiyinə görə mənzilin elektrik enerjisi təchizatı kəsilərsə, necə yaşayacaqlar? Özü də Əsgərovları fevralın 19-na qədər 120 manatı ödəməsələr elektrik enerjisinin kəsiləcəyi ilə hədələyiblər.

Turan agentliyinin bu məsələ ilə bağlı müraciət etdiyi İctimaiyyətlə Əlaqələr Xidmətinin rəhbəri Tanrıverdi Mustafayev işə müdaxilə etdikdən sonra vəziyyətin gərginliyi bir qədər azaldı. Sonradan şirkət yanvar ayı üçün ödənişin yeni sayğacın fevraldakı göstəriciləri əsasında həyata keçirilməsi barədə qərar qəbul edib.

Əslində məsələ yoluna düşüb. Amma “Azərişıq” sistemindəki nöqsanları üzə çıxarıb: abunəçinin sayğacın sıradan çıxdığı barədə ərizəsinə operativ reaksiya verilməyib, sayğac ərizəçinin müraciətindən üç həftə sonra quraşdırılıb, qaydalara zidd olaraq, ödəniş hesabı təqdim edilib. Bütün bunlar o deməkdir ki, bu, ayrıca bir bölgədə tək-tük hadisə deyil, təzahürdür.

Turan Bakılı ailə və sadə vətəndaşların qurbana çevrildiyi dövlət təşkilatı arasında münaqişəli vəziyyəti izləyir.