Ombudsmanın ofisi iddia ki, Polad Aslanov qida qəbul edir
Bakı/10.10.19/Turan: Oktyabrın 10-da ombudsmanın işgəncələrin qarşısının alınması üzrə Milli Preventiv Qrupunun (MPQ) üzvləri xəbərdarlıq etmədən Dövlət Təhlükəsizliyi Xidmətinin (DTX) müvəqqəti saxlama yeri və istintaq təcridxanasına baş çəkiblər.
Ombudsman aparatının mətbuat xidmətinin məlumatına görə, onlar saxlama şəraiti və rəftar məsələlərini, saxlanılan şəxslərin hüquqlarının təmin olunmasının vəziyyətini araşdırıblar.
Həmçinin jurnalist Polad Aslanovun aclıq etməsi barədə məlumatlar ilə əlaqədar onunla ayrıca görüş olub.
"Görüş zamanı o, qida qəbul etdiyini bildirib", - məlumatda deyilir.
Lakin oktyabrın 8-də P.Aslanova baş çəkmiş vəkil Osman Kazımov deyib ki, müttəhim oktyabrın 5-də başladığı aclığı həmin ana qədər davam etdirib.
Vəkilin sözlərinə görə, P.Aslanov deyib ki, ona qarşı əsassız cinayət təqiblərinə və həbs müddətinin 4 ay uzadılmasına etiraz olaraq aclıq elan edib.
"Mən təkidlə aclığı dayandırmasını xahiş etdim. Ancaq o dedi ki, aksiyanı davam etdirəcək. Aslanov özünü günahkar hesab etmir. Mənə elə gəlir ki, o, hansısa yazının qurbanı olub", - vəkil bildirib.
Xatırladaq ki, xeberman.com saytının redaktoru Polad Aslanov iyunun 12-də saxlanılıb. Növbəti gün məhkəmə onu 4 ay müddətinə həbs edib. Ona qarşı CM-in 274-cü maddəsi (dövlətə xəyanət) ilə ittiham irəli sürülüb. İstintaqı Dövlət Təhlükəsizliyi Xidməti aparır. Oktyabrın 5-də jurnalistin həbs müddəti daha 4 ay uzadılıb.
Yerli və beynəlxalq təşkilatlar Polad Aslanova qarşı cinayət təqibini pisləyiblər və hesab edirlər ki, onun həbsinin əsl səbəbi jurnalist fəaliyyəti ilə bağlıdır.-21B06-
-
- Cəmiyyət
- 10 Oktyabr 2019 17:33
-
- Mədəniyyət
- 10 Oktyabr 2019 20:08
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz