Bakı/10.10.19/Turan: Dünya sivilizasiyasının inkişafına hər ölkənin və xalqın töhfəsi var, ancaq Fransanın dünya mədəniyyətinə və ədəbiyyatına töhfəsi digərlərindən fərqlənir. Bu fikri Milli İncəsənət Muzeyinin direktoru Çingiz Fərzəliyev Fransanın incəsənət və ədəbiyyat üzrə Kavaler Ordeninin ona təqdim olunması mərasimində söyləyib.
Tədbir oktyabrın 10-da Fransanın Azərbaycandakı səfirliyində keçirilib. Ç.Fərzəliyevə ordeni Fransa səfiri Zakari Qros təqdim edib.
Səfir qeyd edib ki, Ç.Fərzəliyev iki ölkə arasında mədəni əlaqələrin möhkəmləndirilməsindəki xidmətlərinə görə təltif edilib.
Qros xatırladıb ki, Ç.Fərzəliyev 2012-ci ildə Bakıda "Fransa inciləri" sərgisini təşkil edib. Sərgidə dünyanın ən yaxşı muzeylərində - Luvr və Orse, Versal sarayı, Pompidou Mərkəzi, Marsel, Lion, Nitsa və digər şəhərlərdəki muzeylərdə saxlanılan əsərlər nümayiş etdirilib.
Bununla yanaşı, Qros 2017-ci ildə Bakıda keçirilmiş "Fransa incəsənəti Azərbaycan Milli İncəsənət Muzeyinin kolleksiyasından" sərgisini qeyd edib. Azərbaycan Milli İncəsənət Muzeyinin 80 illiyi çərçivəsində keçirilmiş sərginin kuratoru Ç.Fərzəliyev olub. Muzeyə gələnlər Fransa mədəni irsinin nümunələrinə baxa biliblər.
İncəsənət və ədəbiyyat üzrə Kavaler Ordeni ötən əsrin ortalarında təsis edilib və dünya mədəniyyəti və beynəlxalq mədəni əlaqələrin inkişafında xidmətlərə görə verilir.-71C-
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz