BAKI - Bu gün Cəbrayıl rayonunun Cocuq Mərcanlı kənd sakinləri İqtisadiyyat nazirinin müavini Sahib Məmmədov və ABŞ Beynəlxalq İnkişaf Agentliyinin (USAID) Azərbaycandakı missiyasının direktor əvəzi Maykl Henninq ilə birgə quşçuluqla məşğul olan fermerlərin ehtiyaclarını qarşılayacaq inkubator məntəqəsinin açılışını qeyd ediblər. Bu layihə USAID tərəfindən maliyyələşən və İqtisadiyyat nazirliyinin dəstəyi ilə həyata keçirilən Sosial-İqtisadi İnkişaf Fəaliyyəti (SEDA) adlı proqram çərçivəsində tamamlanıb.
Yeni inkubator məntəqəsi əsas gəlir mənbəyi kimi quşçuluqla məşğul olan Cocuq Mərcanlı və qonşu üç kənddə 800-ə yaxın ailədə ev quşlarının sayının artmasına kömək edəcək. İnkubator temperaturu nəzarət olunan mühit təmin edərək uğurla yumurtadan çıxmış quş balalarının sayını artıracaq. Həmin ailələr cücələri artıq başqa məntəqələrdən almalı olmayacaqlar və bununla da vaxt və pula qənaət edərək gəlirlərini artıracaqlar.
Cocuq Mərcanlı sakinləri ilk icma layihəsini - yem emalı və toxum təmizləmə məntəqəsini - USAID və İqtisadiyyat nazirliyinin dəstəyi ilə 2017-ci ildə həyata keçiriblər. Həmin məntəqə Cocuq Mərcanlı və ətraf kəndlərin sakinlərinə özlərinin maq-qarası və ev quşları üçün yem hazırlamağa imkan yaradıb.
"Bu USAID layihələri Amerika xalqı tərəfindən maliyyələşir. Bunlar Cocuq Mərcanlı sakinləri, Azərbaycan xalqı və Amerika xalqı arasında tərəfdaşlıq və dostluq rəmzidir. Biz sizin tərəfdaşınız və dostunuzuq", deyə USAID-in Azərbaycandakı missiyasının direktor əvəzi Maykl Henninq açılış mərasimində qeyd edib.
USAID-in Sosial-İqtisadi İnkişaf Fəaliyyəti layihəsi Şərq-Qərb İdarəçilik İnstitutu tərəfindən İqtisadiyyat nazirliyi ilə əməkdaşlıq şəklində icra edilir. 2011-ci ildən SEDA icmaları 160-dan çox layihə icra ediblər ki, bunların sırasında yerli iqtisadiyyati dəstəkləyən, tibb məntəqələri, yollar, su və suvarma sistemləri, habelə yerli məktəb təmiri layihələri var. Bu layihələrdən 120-dən çox icmada 300,000 insan faydalana bilir. ®
Cəmiyyət
-
Dörd gün Qafqaz dağlarında olan Avstriyalı turist Markus Azərbaycanın İlisu kəndini tərk etdikdən sonra qaldığı evin sahibinə əsas təəssüratını - İlisuda zibillikdə plastik paketlər arasında otlayan inəyin şəklini göndərib.
-
Bu gün Bakıda xaricdə yaşayan azərbaycanlı alimlərin forumu açılıb. Azərbaycan Prezidentinin Administrasiyasının Humanitar siyasət, diaspora, multikulturalizm və dinlər departamentinin rəhbəri Fərəh Əliyeva forum iştirakçılarına Prezident İlham Əliyevin müraciətini təqdim edib.
-
Ötən həftə İtaliyada səfərdə olan Azərbaycan prezidenti İlham Əliyev ölkəsinin Avropa Şurası Parlament Assambleyası (AŞPA) ilə gərginləşən münasibətlərinin düzəlməsindən bəhs etdi. O dedi ki, AŞPA-nın bəzi üzvlərinin Azərbaycana səfərinə qoyulan qadağa ölkənin nümayəndə heyətinin bu təşkilata qayıtmasından sonra ləğv ediləcək: "Əgər qərarlarını dəyişib bizim haqqımızı bərpa etsələr, o zaman bu embarqo deyilən şey də aradan qaldırılacaq".
-
Ötən həftə sonu Sumqayıt Şəhər Polis İdarəsinin əməkdaşları narkotik vasitələrin qanunsuz dövriyyəsində şübhəli bilinən 1988-ci il təvəllüdlü Sakit Musayevi saxlayıb, xəbəri DİN-in mətbuat xidməti yayıb.
Rəy yaz